У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

23 Ліс 2017

Андрэйчанка адзначыў важнасць супрацоўніцтва Беларусі і Казахстана ў міжнародных арганізацыях

23 лістапада, Мінск /Кар. БЕЛТА/. Старшыня Палаты прадстаўнікоў Уладзімір Андрэйчанка сёння на сустрэчы з Надзвычайным і Паўнамоцным Паслом Казахстана ў Беларусі Ергалі Булегенавым (у сувязі з завяршэннем яго дыпламатычнай місіі) адзначыў важнасць супрацоўніцтва дзвюх краін у міжнародных арганізацыях, перадае карэспандэнт БЕЛТА.

Спікер, у прыватнасці, падзякаваў паслу за ўклад, які ён за гады работы ўнёс у беларуска-казахстанскае супрацоўніцтва ва ўсіх сферах - у палітыцы, эканоміцы, культуры, адукацыі, развіцці міжрэгіянальных сувязей. "Самае галоўнае, што многія змяненні адбыліся за гэты час і ў гісторыі адносін паміж нашымі краінамі. Мы стварылі Еўразійскі эканамічны саюз. Няпроста гэта ўсё ішло, і вы ў гэтым плане праводзілі вялікую работу. Мы практычна сінхронна правялі ратыфікацыю гэтага дагавора (аб ЕАЭС. - Заўвага БЕЛТА)", - нагадаў Уладзімір Андрэйчанка.

Ён таксама звярнуў увагу, што менавіта ў гады работы Ергалі Булегенава быў падпісаны дакумент аб супрацоўніцтве паміж парламентамі Беларусі і Казахстана, адбыўся шэраг двухбаковых візітаў на вышэйшым і высокім узроўнях.

Уладзімір Андрэйчанка прызнаўся, што надае вялікае значэнне супрацоўніцтву дзвюх краін у міжнародных арганізацыях - у Міжпарламенцкім саюзе, на сесіях ПА АБСЕ. "Паказальнай была 26-я сесія, якая праходзіла ў Мінску. Быў падрыхтаваны шэраг антыбеларускіх рэзалюцый, але казахстанскі бок нам аказаў поўную падтрымку і прагаласаваў супраць іх, падтрымаўшы пры гэтым рэзалюцыю Рэспублікі Беларусь, якая была накіравана на барацьбу з наркотыкамі", - сказаў ён.

Старшыня Палаты прадстаўнікоў адзначыў і важнасць нарошчвання эканамічных кантактаў Беларусі і Казахстана. Так, за дзевяць месяцаў бягучага года краіны здолелі выйсці на тавараабарот, які складае каля $500 млн. Ён лічыць, што гэта таксама сур'ёзны паказчык работы абодвух бакоў.

У сваю чаргу Ергалі Булегенаў падзякаваў за высокую ацэнку яго дыпламатычнай работы. Ён выказаў упэўненасць, што ўзаемны тавараабарот Беларусі і Казахстана будзе расці і далей. "Мы ўжо дасягалі амаль мільярднага тавараабароту ў 2014 годзе, і я думаю, на наступны год рэальна, што такімі тэмпамі мы падыдзем да мільярда", - сказаў пасол.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс