Падзеі

Ананіч: міжпарламенцкае супрацоўніцтва Беларусі і Азербайджана заўсёды развівалася дынамічна

3 лістапада, Мінск /Кар. БЕЛТА/. Міжпарламенцкае супрацоўніцтва паміж Беларуссю і Азербайджанам заўсёды развівалася дынамічна, заявіла журналістам намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў, намеснік кіраўніка рабочай групы па супрацоўніцтве з парламентам Азербайджана Лілія Ананіч. Яна прыняла ўдзел у сустрэчы старшыні Палаты прадстаўнікоў Уладзіміра Андрэйчанкі з Надзвычайным і Паўнамоцным Паслом Азербайджана ў Беларусі Ульві Бахшаліевым, перадае карэспандэнт БЕЛТА.

"Адна з форм супрацоўніцтва - фармат рабочых груп паміж парламентамі, - сказала Лілія Ананіч. - Важна садзейнічаць палітычным працэсам, якія ў нас актыўна развіваюцца. Ёсць поўнае ўзаемаразуменне на ўзроўні кіраўнікоў дзяржаў, урадаў, працуе цесна эканамічная камісія. Вельмі важна, каб і парламенцкае ўзаемадзеянне прыносіла эканамічны плён".

Паводле яе слоў, безумоўна, таксама вельмі важна, каб захоўваліся нашы адносіны і на міжнародных пляцоўках. "Беларусь традыцыйна падтрымлівае Азербайджан ва ўсіх ініцыятывах, - падкрэсліла Лілія Ананіч. - Рабочая група - гэта дзейсны інструмент парламенцкага, гуманітарнага супрацоўніцтва, развіцця чалавечых кантактаў і ўзаемадзеяння на ўсіх парламенцкіх пляцоўках. Мы бачым сваю задачу ў актывізацыі гэтай работы і хацелі б, каб адбылася вочная сустрэча дзвюх рабочых груп або ў нас Минску, або ў Азербайджане. Аб гэтым будзем гаварыць".

"Упэўнена, што багаты вопыт супрацоўніцтва і ў фармаце ўдзелу нашых парламенцкіх місій у назіранні за выбарамі, і ў развіцці эканамічных кантактаў будзе запатрабаваны на новым этапе супрацоўніцтва Беларусі і Азербайджана", - склала Лілія Ананіч.

версія для друку

зрабіць стартавай

дабавіць у выбранае