Падзеі

23 кастрычніка, Мінск /Кар. БЕЛТА/. Намеснік міністра замежных спраў Беларусі Андрэй Дапкюнас сустрэўся з паслом Кітая ў Беларусі Цуй Цымінам, паведамілі БЕЛТА ў прэс-службе МЗС Беларусі.

Бакі абмеркавалі актуальныя пытанні двухбаковых адносін, у прыватнасці рэалізацыю дамоўленасцей па выніках нядаўніх візітаў на вышэйшым і высокім узроўнях, а таксама падрыхтоўку да новых сумесных мерапрыемстваў. У лістападзе ў Пекіне адбудзецца чарговае пасяджэнне Беларуска-кітайскага міжурадавага камітэта па супрацоўніцтве, з 5 па 10 лістапада ў час першай Кітайскай міжнароднай выстаўкі імпартных тавараў у Шанхаі будзе арганізавана маштабная нацыянальная экспазіцыя Беларусі і бізнес-форум. На 8 лістапада ў Гуанчжоу запланаваны цырымонія адкрыцця генеральнага консульства Беларусі і беларуска-кітайскі турыстычны форум.

Дыпламаты адзначылі агульнасць падыходаў да асноўных пытанняў двухбаковага і міжнароднага парадку дня, абмяняліся меркаваннямі аб эфектыўных шляхах выканання даручэнняў кіраўнікоў дзвюх краін аб максімальна поўнай рэалізацыі патэнцыялу супрацоўніцтва ва ўсіх сферах.