У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Крс 2016

Абнародаванне "Панамскага архіва" Лукашэнка назваў стральбой па вераб'ях

26 красавіка, Ельскі раён /Уладзімір Мацвееў - БЕЛТА/. Абнародаванне "Панамскага архіва", у выніку чаго ў шэрагу краін адбыліся карупцыйныя скандалы, Прэзідэнт Беларусі Аляксандр Лукашэнка назваў стральбой па вераб'ях. Аб гэтым кіраўнік дзяржавы заявіў сёння, адказваючы на пытанні журналістаў, перадае карэспандэнт БЕЛТА.

"Гэта толькі спроба падступіцца да выкрыцця карупцыйных дзеянняў гэтай сусветнай мафіі, на чале якой палітыкі. Ды і сярод журналістаў іх нямала, нават тых выданняў, якія былі прыцягнуты нібыта да расследавання па "панамскім скандале". Гаварыць аб тым, што гэта магутная антыкарупцыйная хваля, не трэба", - лічыць кіраўнік дзяржавы.

Разам з тым, Аляксандр Лукашэнка адзначыў станоўчы бок у тым, што адбылося: "Хоць на нейкі час нягоднікаў, якія крадуць, крыху прыпужнуць". "Але ёсць і іншы бок: будуць больш вынаходлівымі, як кралі, так і будуць красці. Не знайшлося яшчэ такога метаду ў свеце, каб ударыць па карупцыянерах у самы цэнтр. Паглядзім, што будзе далей. А вось гэты ўвесь шум з нічога і ёсць той палітычны складнік. Вядома, ён больш палітычны, чым практычны. Але ўвесь свет убачыў, наколькі карумпіраваны гэты самы свет", - сказаў Прэзідэнт.

"Гэта там, сярод багатых, хто мае вялікія даходы ад нафты і газу - таго, што бог усім даў, менавіта там гэтыя асноўныя карупцыянеры. Галоўныя - гэта палітыкі, - лічыць Аляксандр Лукашэнка. - Калі б сярод палітыкаў не было карупцыянераў, іх не было б і сярод спартсменаў, журналістаў, тварцоў..."

Кіраўнік дзяржавы ўпэўнены, што калі б, напрыклад, у амерыканцаў было жаданне паказаць карупцыйны складнік усяго свету, то гэта было б зроблена. "Таму што ўсё гэта ў асноўным у валюце, доларах. А кожны долар у амерыканскіх фінансавых структур перад вачыма. Яны ведаюць, куды ідуць грошы, дзе іх хаваюць", - сказаў Аляксандр Лукашэнка.

"Тыя, хто багацейшыя, і тыя краіны, грамадзяне якіх самыя багатыя, там больш за ўсё карупцыі. Але ім гэта не трэба. Яны выстралілі, можна сказаць, па вераб'ях", - дадаў беларускі лідар.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс