Прамовы і інтэрв’ю
Пуцін: "Славянскі базар" уносіць важны ўклад у развіццё міжнароднага гуманітарнага супрацоўніцтва
9 ліпеня, Віцебск /Алёна Ціханава - БЕЛТА/. Міжнародны фестываль мастацтваў "Славянскі базар у Віцебску" ўносіць важны ўклад у развіццё міжнароднага гуманітарнага супрацоўніцтва. Аб гэтым сказана ў прывітанні гасцям і ўдзельнікам XXIV Міжнароднага фестывалю мастацтваў "Славянскі базар у Віцебску" прэзідэнта Расійскай Федэрацыі Уладзіміра Пуціна, якое зачытаў 9 ліпеня на ўрачыстай цырымоніі адкрыцця намеснік міністра культуры Расіі Аляксандр Жураўскі, перадае карэспандэнт БЕЛТА.
"Дарагія сябры, сардэчна віншую вас з нагоды адкрыцця 24-га фестывалю. На працягу многіх гадоў ваш фестываль служыць высакародным мэтам духоўнага яднання і ўзаемаўзбагачэння культур брацкіх славянскіх народаў, уносіць важны ўклад у развіццё міжнароднага гуманітарнага супрацоўніцтва. Яго дэвіз "Праз мастацтва - да міру і ўзаемаразумення" сёння асабліва актуальны", - сказана ў віншаванні прэзідэнта Расіі.
"Славянскі базар" заўсёды вызначае цікавая і змястоўная конкурсная праграма, дружалюбная творчая атмасфера, шчырая ўвага да маладых пачынаючых майстроў. З задавальненнем адзначаю, што гэтыя добрыя традыцыі прадаўжаюць умацоўвацца. Мы верым, што гэты фестываль, які сабраў разам таленавітых артыстаў і мастакоў, спевакоў і кампазітараў з многіх краін, пройдзе ярка і відовішчна, стане сапраўдным святам для знатакоў мастацтва", - гаворыцца ў прывітанні.
"Жадаю ўдзельнікам фестывалю творчых поспехаў, а яго гасцям добрага настрою і незабыўных уражанняў", - сказаў на заканчэнне ў сваім прывітанні Уладзімір Пуцін.
версія для друку
зрабіць стартавай
дабавіць у выбранае