Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

1 Apr 2016

Выставачны праект пад адкрытым небам "Мастак і горад" у Мінску будзе прысвечаны творчасці Губарава

1 красавіка, Мінск /Кар. БЕЛТА/. Пяты выставачны праект пад адкрытым небам "Мастак і горад" у Мінску будзе прысвечаны творчасці Валянціна Губарава. Як паведамілі БЕЛТА арганізатары, праект адкрыецца на плошчы Якуба Коласа 26 мая.

Карціны Валянціна Губарава больш за 20 гадоў упрыгожваюць залы знакамітай французскай галерэі Les Tournesols, але да гэтага часу малазнаёмыя беларускай публіцы.

На пятай экспазіцыі выставачнага праекта "Мастак і горад" будуць прадстаўлены рэпрадукцыі 30 карцін Валянціна Губарава. Біяграфія і рэпрадукцыі будуць суправаджацца тэкставым апісаннем на трох мовах - рускай, беларускай і англійскай. Гэта прадставіць неардынарнага мастака не толькі гараджанам, але і гасцям сталіцы.

Валянцін Губараў - беларускі мастак, надзелены яркай індывідуальнасцю і асаблівым бачаннем свету. Яго карціны часта апісваюць будні невялікіх правінцыяльных гарадоў, але за карыкатурнымі рысамі іх жыхароў заўсёды асаблівы сэнс. З 1995 года мастак мае эксклюзіўны кантракт з адной з самых прэстыжных французскіх галерэй Les Tournesols. Творы Валянціна Губарава выстаўлены ў Нацыянальным мастацкім музеі Беларусі, музеі Zimmerly Art Museum (ЗША), галерэях Schaer und Wildbolz (Швейцарыя), Kunststuck (Германія), а таксама ў прыватных калекцыях Расіі, ЗША, Англіі, Японіі, Іспаніі, Ізраіля, Германіі і іншых краін.

Выставачны праект "Мастак і горад" рэалізуецца пры падтрымцы Міністэрства культуры і Мінскага гарадскога выканаўчага камітэта. Ініцыятарамі выставы выступаюць агенцтва сацыяльнага маркетынгу GrandBS і Нацыянальны цэнтр сучасных мастацтваў. C 2014 года генеральным партнёрам праекта з'яўляецца Банк ВТБ. Паводле слоў намесніка старшыні праўлення Сяргея Дарашэвіча, праект "Мастак і горад" даўно выйшаў за рамкі толькі выставы пад адкрытым небам. Экспазіцыя стала адной з візітных картак сталіцы і любімым месцам адпачынку для гараджан. Банк ВТБ праводзіць актыўную работу ў галіне карпаратыўнай сацыяльнай адказнасці, удзяляючы асаблівую ўвагу папулярызацыі і развіццю сучаснага беларускага мастацтва.

"Мастак і горад" за пяць гадоў свайго існавання прадставіў беларускай публіцы творы такіх вядомых беларускіх мастакоў, як Марк Шагал, Казімір Малевіч, Мікалай Селяшчук. Кожны год больш за 2 млн беларусаў наведваюць выставу.

У бягучым годзе выставачны праект "Мастак і горад" будзе ў адкрытым доступе з 26 мая па 9 верасня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі