Падзеі, факты, анонсы
Тэлеканал "Дыскаверы" мае намер стварыць цыкл праграм пра Беларусь
7 мая, Мінск /Кар. БЕЛТА/. Тэлеканал "Дыскаверы" мае намер стварыць цыкл праграм пра Беларусь. Аб гэтым паведаміла сёння на рэспубліканскім семінары "Тэлебачанне Беларусі: актуальныя пытанні вытворчасці і распаўсюджвання кантэнту" міністр інфармацыі Лілія Ананіч, перадае карэспандэнт БЕЛТА.
Як адзначыла міністр, вынікам нядаўніх перагавораў стала дамоўленасць з вядомым тэлеканалам аб стварэнні серыі перадач пра нацыянальную прыродную спадчыну, у прыватнасці, пра Белавежскую пушчу. Гэта той добры падыход, калі замежны канал не толькі прыносіць у краіну якасны кантэнт, збірае сваю аўдыторыю, але і прапагандуе Беларусь на ўвесь свет, падкрэсліла Лілія Ананіч.
Яна выказала пажаданне, каб і іншыя дыстрыб'ютары, прыводзячы новыя замежныя тэлепраграмы на беларускі інфармацыйны рынак, выконвалі задачу па папулярызацыі краіны ў медыйнай сусветнай прасторы. За гэтым ідуць і інвестыцыі, і рост даверу. Беларусь, знаходзячыся ў адкрытай інфармацыйнай прасторы, павінна карыстацца і інфармацыйнымі перавагамі, рэзюмавала міністр.
версія для друку
зрабіць стартавай
дабавіць у выбранае