Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

15 Jul 2016

Ілья Івашка вывеў беларусаў наперад у матчы Кубка Дэвіса з тэнісістамі Латвіі

15 ліпеня, Мінск /Кар. БЕЛТА/. Зборная Беларусі выйшла наперад у матчы з тэнісістамі Латвіі ў другой групе Еўра-Афрыканскай зоны розыгрышу Кубка Дэвіса, які пачаўся ў Мінску, паведамляе карэспандэнт БЕЛТА.

Першымі на корт выйшлі Ілья Івашка (242-і нумар сусветнага рэйтынгу) і Марцінш Подзуш (769). З самага пачатку гульні завязалася ўпартая барацьба, у якой больш дакладным і ўпэўненым быў Івашка, ён у выніку выйграў паядынак у трох сэтах - 6:4, 6:2, 7:5. Зборная Беларусі павяла ў матчы з лікам 1:0.

Другімі на адкрытым корце Рэспубліканскага цэнтра алімпійскай падрыхтоўкі па тэнісе згуляюць беларус Яраслаў Шыла (741) і латыш Мікеліс Ліб'еціс (475).

У другі гульнявы дзень, 16 ліпеня, адбудзецца парная сустрэча. Капітан беларускай каманды Уладзімір Валчкоў заявіў на яе Аляксандра Бурага і Андрэя Васілеўскага, а яго латвійскі калега Карліс Лейніекс разлічвае на тандэм Яніс Подзуш і Рудольф Медніс.

У заключны дзень спаборніцтваў, 17 ліпеня, адбудуцца яшчэ два адзіночныя паядынкі: Ілья Івашка - Мікеліс Ліб'еціс, Яраслаў Шыла - Марцінш Подзуш.

Згодна з рэгламентам Кубка Дэвіса ў другі і трэці дні капітаны каманд маюць права зрабіць замены.

Раней зборныя Беларусі і Латвіі яшчэ ні разу не сустракаліся паміж сабой у розыгрышы Кубка Дэвіса. У сусветным камандным рэйтынгу беларусы займаюць цяпер 45-е месца, латвійцы знаходзяцца трыма радкамі ніжэй.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі