Падзеі, факты, анонсы

29 кастрычніка, Мінск /Кар. БЕЛТА/. Галоўны трэнер хакейнай зборнай Беларусі канадскі спецыяліст Дэйв Льюіс вызначыўся са складам каманды на першы перадсезонны збор, паведамілі карэспандэнту БЕЛТА ў прэс-службе Федэрацыі хакея Рэспублікі Беларусь.

Для падрыхтоўкі да стартавага этапу Еўрачэленджа ў трэніровачны лагер выкліканы наступныя хакеісты:

варатары - Віталь Бялінскі, Міхаіл Карнаухаў (абодва - "Дынама-Маладзечна"), Аляксандр Барадуля ("Юнацтва-Мінск"), Максім Саманькоў ("Нёман", Гродна);

абаронцы - Андрэй Філічкін, Павел Казакевіч (абодва - "Дынама-Маладзечна"), Раман Дзюкаў, Крысціян Хенкель (абодва - "Юнацтва-Мінск"), Дзмітрый Захаранка, Мікіта Усціненка (абодва - "Дынама-Мінск"), Аляксандр Яронаў, Міхаіл Хараманда (абодва - "Гомель"), Ілья Казнадзей ("Нёман", Гродна);

нападаючыя: Віктар Андрушчанка, Арцём Ляўша, Аляксандр Ляўко, Арцём Дзямкоў (усе - "Шахцёр-Салігорск"), Павел Баярчук ("Нёман", Гродна), Андрэй Сцяпанаў, Аляксандр Паўловіч, Дзмітрый Амбражэйчык, Мікіта Камароў, Станіслаў Лапачук (усе - "Дынама-Мінск"), Павел Развадоўскі, Арцём Волкаў (абодва - "Юнацтва-Мінск"), Павел Мусіенка, Ігар Равенка (абодва - "Гомель").

Вучэбна-трэніровачны збор нацыянальнай дружыны пройдзе з 2 па 4 лістапада на лёдзе канькабежнага стадыёна "Мінск-Арэны". Пасля яго беларускі хакейны дэсант адправіцца ў латвійскую Ліепаю, дзе пройдзе стартавы этап Euro Ice Hockey Challenge. Сапернікамі беларускіх хакеістаў будуць зборныя Італіі (5 лістапада), Латвіі (6 лістапада) і Японіі (7 лістапада). Сустрэча з латвійскай камандай будзе паказана ў прамым эфіры тэлеканала "Беларусь 5".