Падзеі, факты, анонсы

У IV Мінскім міжнародным Калядным оперным конкурсе прымуць удзел 111 маладых вакалістаў з 16 краін. Традыцыйна больш за ўсё ўдзельнікаў з Расіі, Беларусі і Украіны, таксама прыехалі спевакі з Грузіі, Казахстана, Арменіі, Ізраіля, ЗША, Малдовы, Латвіі, Кітая, Азербайджана, Францыі, Эстоніі, Германіі, Канады. Традыцыйна на конкурс больш за ўсё прыехала сапрана, у меншай ступені - мецца-сапрана, тэнараў, барытонаў і басоў. Прымуць удзел і два бас-барытоны.

"За гады правядзення конкурсу ў ім прыняло ўдзел больш за 400 чалавек. Многія з іх сталі вядомыя і папулярныя на сусветных оперных пляцоўках. Нават не сумняваюся, што і цяперашні конкурс запомніцца непаўторнай творчай атмасферай і аб'ектыўным судзействам журы. А атрымаць высокія ўзнагароды зможа кожны з вас", - з такімі словамі на сустрэчы звярнуўся да канкурсантаў генеральны дырэктар беларускага Вялікага тэатра Уладзімір Грыдзюшка і пажадаў усім удачы.

Конкурс вакалістаў праходзіць у тры туры, першыя два - з канцэртмайстрам, трэці (фінал) - у суправаджэнні аркестра. Пасля першага тура са 111 чалавек застанецца 30, а да фіналу дойдуць толькі 10.

У фінале ўдзельнікі выканаюць адну з галоўных партый у сцэнах з опер класічнага або сучаснага рэпертуару, а дапамогуць ім у гэтым зоркі беларускага Вялікага тэатра. Ацаніць іх вакальны талент зможа не толькі журы конкурсу, але і гледачы - 20 снежня ў вялікай зале тэатра на гала-канцэрце фіналістаў, дзе акрамя дыпломаў і ўзнагарод будзе ўручаны прыз сімпатый гледачоў.

Прызавы фонд конкурсу складае $28 тыс. у эквіваленце. Уладальніка Гран-пры чакае грашовы прыз, эквівалентны $10 тыс., лаўрэата I прэміі - $8 тыс., лаўрэатаў II і III прэмій - $6 тыс. і $4 тыс. адпаведна. Будуць таксама спецыяльныя прызы ад членаў журы. Трыумфатараў публіка пачуе і 22 снежня на гала-канцэрце зорак сусветнай оперы.