Рэканструкцыя падзей Першай сусветнай вайны ў вёсцы-музеі "Заброддзе"

Штогод у гістарычны дзень заканчэння Першай сусветнай вайны – 11 лістапада – у вёсцы-музеі "Заброддзе", дзе некалі праходзіла лінія фронту, збіраюцца грамадскія дзеячы, гісторыкі, рэканструктары, проста неабыякавыя да падзей векавой даўнасці людзі. На тое, каб у найдрабнейшых дэталях аднавіць падзеі мінулых гадоў, не шкадуюць намаганняў: салдацкая форма ўдзельнікаў пашыта по лякалах пачатку ХХ стагоддзя, спецыяльна вырабленая зброя з дакладнасцю імітуе старадаўнія вінтоўкі і шашкі, і на вачах у гасцей нібыта ажываюць сюжэты чорна-белых ваенных хронік…

99-я гадавіна падпісання Камп'енскага перамір'я – Дзень памяці герояў і ахвяр Першай сусветнай – і 100-годдзе заключэння мірнага дагавора ў Солах Мінскай губерні (сёння Гродзенская вобласць) сабралі ў Заброддзі больш за 70 прадстаўнікоў ваенна-гістарычных клубаў Мінска, Брэста, Масквы і Санкт-Пецярбурга. Памінальная служба аб загінулых воінах у Барыса-Глебскай капліцы дала старт гістарычнай рэканструкцыі Віленскай аперацыі 1915 года. Пасля 60-кіламетровага марш-кідка кавалерыйскі полк прыбыў на поле бою, каб прыняць на сябе першы ўдар "варожых" фарміраванняў. Услед за кавалерыяй у схватку ўступіла пяхота, загрукаталі гарматы…

Даніна памяці героям Першай сусветнай вайны і рэканструкцыя бітвы на лініі былога фронту – у спецыяльным фотарэпартажы…

Фота Андрэя Мацура