Папярэдняя місія наглядальнікаў ПАСЕ ў Беларусі

Беларускі бок гатовы аказаць садзейнічанне місіі наглядальнікаў Парламенцкай асамблеі Савета Еўропы, заявіў 8 верасня старшыня Палаты прадстаўнікоў Нацыянальнага сходу Беларусі Уладзімір Андрэйчанка на сустрэчы з прадстаўнікамі папярэдняй місіі ПАСЕ.

Папярэднюю місію (дэлегацыю) ПАСЕ ўзначаліў турэцкі дэпутат Рэха Дэнемеч. Таксама ў яе ўвайшлі Андрэа Рыгоні (Італія), Ёнас Гунарсан (Швецыя), Андрэй Хунка (Германія), прадстаўнікі сакратарыята ПАСЕ, у тым ліку Соня Сіртары-Мільнер – кіраўнік офіса генеральнага сакратара ПАСЕ.