Палад Бюльбюль аглы

Журы XXIV Міжнароднага конкурсу выканаўцаў эстраднай песні "Віцебск-2015" узначаліў народны артыст Азербайджана, доктар мастацтвазнаўства, прафесар Палад Бюльбюль аглы. Дарэчы, на гэтым форуме легендарны азербайджанскі салавей стаў уладальнікам спецыяльнай прэміі Прэзідэнта Беларусі "Праз мастацтва – да міру і ўзаемаразумення", а таксама адкрыў свой імянны "васілёк" на Алеі зорак у Віцебску.

Калегамі па судзействе таксама сталі кампазітар і паэт Леанід Шырын (Беларусь), оперны спявак Цьяга Аранкам (Бразілія), знакамітая вакалістка Прэшэс Уілсан (Вялікабрытанія), музыкант і кампазітар Інтарс Бусуліс (Латвія), народны артыст Расіі кампазітар Алег Іваноў, пераможца "Еўрабачання-2007" Марыя Шарыфавіч (Сербія), прадзюсар Уладзіслаў Багінскі (Украіна), папулярны спявак і кампазітар Bosson (Швецыя).