Кафедральны (Фарны) касцёл Святога Францішка Ксаверыя

Самы галоўны храм і візітная картка Гродна – Фарны касцёл – па сваёй вышыні (а яна дасягае 50 м!) перасягае ўсе астатнія пабудовы старажытнага горада. Цікава, што на адной з вежаў размешчаны самы стары дзеючы гадзіннік Еўропы з унікальным маятнікавым механізмам XII-XIV стагоддзяў. Гродзенскі касцёл знакаміты драўляным алтаром з разнымі фігурамі апосталаў і святых, а яго гонарам і святыняй з'яўляецца цудатворны абраз Маці Божай Кангрэгацкай (Студэнцкай) – копія абраза Маці Божай Снежнай з рымскай базілікі Santa Maria Maggiore, падораная жыхарам у 1664 годзе.