Жыхарка вёскі Смаліца Быхаўскага раёна Магілёўскай вобласці Людміла Ахрэмшава займаецца вырошчваннем кабачкоў ужо больш за 10 гадоў. Пачынала з 15 сотак, а цяпер засявае кабачкамі і гарбузамі звыш 1 га плошчаў. Справа няпростая, паколькі ў асноўным гэтыя культуры апрацоўваюцца ўручную матыкай, але даходная. У гэтым годзе на Быхаўскі кансервава-агароднінасушыльны завод сям'я Ахрэмшавых здала каля 80 т кабачкоў і плануе здаць больш за 20 т гарбузоў.