Фотавыстаўка БЕЛТА аб пераадоленні наступстваў аварыі на ЧАЭС адкрылася ў італьянскай Парме

Дабрачынная арганізацыя "Дапамога для дзяцей з Чарнобыля" з г.Парма (Італія), якая з 1987 года прымае на аздараўленне і лячэнне дзяцей з пацярпелых ад чарнобыльскай катастрофы рэгіёнаў Гомельскай вобласці, шырока адзначае 30-годдзе з дня аварыі на ЧАЭС.

У горадзе Парма арганізавана фотавыстаўка Беларускага тэлеграфнага агенцтва, якую падрыхтаваў фотакарэспандэнт БЕЛТА Сяргей Халадзілін. Каля 60 чорна-белых і каляровых работ расказваюць аб этапах аднаўлення і адраджэння жыцця на забруджаных пасля катастрофы на Чарнобыльскай АЭС тэрыторыях Беларусі.