Будслаўскі фэст-2016

Па традыцыі на каталіцкі фэст пешыя паломнікі з розных рэгіёнаў Беларусі адправіліся ў канцы чэрвеня і дабіраліся як самастойна, так і ў складзе паломніцкіх груп. Першая і самая працяглая пілігрымка ў Будслаў стартавала 23 чэрвеня з Баранавічаў. За дзевяць дзён вернікі – моладзь, дзеці, сем'і, пенсіянеры, святары і сёстры законныя – пераадолелі пешшу каля 300 км. Таксама 23 чэрвеня ў шлях адправіліся паломнікі з Ліды, наступнымі, 25 чэрвеня, выйшлі пілігрымы з Віцебска і Гудагая.