Эксперыментальны ўзор беларускага электрамабіля
Нацыянальная акадэмія навук Беларусі прадставіла эксперыментальны ўзор электрамабіля, створаны на базе серыйнай машыны GeelySC7. Галоўнымі перавагамі электракара, спраектаванага з улікам умоў беларускіх гарадоў, з'яўляюцца экалагічнасць, манеўранасць і павышаны камфорт.
"Магутнасць рухавіка – 60 кВт, гэта дзесьці 80 к.с. Гэтага цалкам дастаткова для работы ў горадзе. Максімальная скорасць, якую мы выпрабоўвалі на гэтым палігоне, – 110 км/гадз", – адзначыў генеральны дырэктар Аб'яднанага інстытута машынабудавання НАН Сяргей Паддубка.
Накапляльнік электраэнергіі аўтамабіля можна зараджаць як ад звычайнай электрычнай разеткі, так і ад спецыяльнага зараднага ўстройства. Паводле слоў распрацоўшчыкаў айчыннага ноу-хау, "калі напружанне 220 В, то ён зараджаецца шэсць гадзін, а калі зарадка на большы ток, то каля чатырох гадзін".