Па традыцыі ў сакавіцкія дні гаспадыні выпякалі фігуркі птушак з цеста: "буські", або "буськовы лапы" – у гонар любімай і шануемай беларусамі птушкі бусел, і булачкі "жаўрукі", якія нагадваюць самых звонкіх і галасістых вестуноў вясны.
Дзеці майстравалі птушак з саломы, тканіны, паперы. А потым рознакаляровых птушак, упрыгожаных стужкамі, стараліся развесіць як мага вышэй на дрэвах: верылі, што птушкі, якія вяртаюцца ў родны край, іх заўважаць і прынясуць на крылах вясну.