Галоўныя навіны
Беларуская тэнісістка Аляксандра Сасновіч стала ўладальніцай прэміі Кубка Федэрацый
15 красавіка, Мінск /Кар. БЕЛТА/. Беларуская тэнісістка Аляксандра Сасновіч стала ўладальніцай прэміі "Heart Award" за выдатную гульню ў Кубку Федэрацый, паведамілі карэспандэнту БЕЛТА ў Беларускай тэніснай федэрацыі.
У першым матчы гэтага сезона супраць каманды Канады ў другой Сусветнай групе Кубка Федэрацый у Квебеку Сасновіч выйграла два свае адзіночныя паядынкі і разам з Вольгай Гаварцовай дабілася рашаючай перамогі ў парнай сустрэчы. Зборная Беларусі перамагла канадак з лікам 3:2 і ўпершыню атрымала права згуляць у матчы плэй-оф за выхад у элітны дывізіён Кубка Федэрацый. Аляксандра Сасновіч вырашыла перавесці прэміяльную суму $6 тыс. у дзіцячы анкалагічны цэнтр у Бараўлянах.
У 2011 годзе ўладальніцай прэміі "Heart Award" станавілася лідар беларускай зборнай Вікторыя Азаранка.
Цяпер беларускія тэнісісткі ў Маскве рыхтуюцца да матчу за выхад у Сусветную групу супраць каманды Расіі, які пройдзе 16-17 красавіка.
версія для друку
зрабіць стартавай
дабавіць у выбранае