Галоўныя навіны

А.Лукашэнка ажыццявіў сімвалічны пуск новай тэхналагічнай лініі ў ААТ "Краснасельскбудматэрыялы"

30 красавіка, Ваўкавыскі раён /Кар. БЕЛТА/. Прэзідэнт Беларусі Аляксандр Лукашэнка ажыццявіў сімвалічны пуск новай тэхналагічнай лініі па вытворчасці клінкеру ў ААТ "Краснасельскбудматэрыялы", перадае карэспандэнт БЕЛТА.

Будаўніцтва новай тэхналагічнай лініі на прадпрыемстве было ажыццёўлена дзякуючы рэалізацыі беларуска-кітайскага інвестыцыйнага праекта. У адпаведнасці з інвестпраектам пабудавана тэхналагічная лінія па вытворчасці клінкеру сухім спосабам і вуглепадрыхтоўчага аддзялення з пераводам існуючага выпуску клінкеру з прыроднага газу на вугаль.

Прымяненне новых тэхналогій дае магчымасць вырашыць праблему энергазберажэння і перайсці ад выкарыстання прыроднага газу на вугаль. У перспектыве разглядаецца магчымасць выкарыстання і мясцовых відаў паліва.

"Краснасельскбудматэрыялы" выпускае цэмент, вапну, сценавыя блокі з ячэістанага бетону, сухія сумесі, дробнагрануляваны мел, шыфер, лісты і трубы азбестацэментныя. На прадпрыемстве працуюць 2,4 тыс. чалавек. Сярэднямесячная зарплата за першы квартал склала больш як Br3,6 млн. У 2011 годзе на прадпрыемстве выпушчана прадукцыі на  Br1160,6 млрд. Выпуск цэменту дасягнуў 1929 тыс.т і павялічыўся ў параўнанні з 2010 годам на 2,6 працэнта. Экспарт прамысловай прадукцыі ўзрос у параўнанні з 2010 годам на 16,7 працэнта і склаў $13,2 млн. Прадпрыемства ў мінулым годзе атрымала Br63,7 млрд. чыстага прыбытку ў параўнанні з Br8,5 млрд. у 2010 годзе (рост у 7,5 раза), рэнтабельнасць продажаў павялічылася на 4,8 працэнтнага пункта і склала больш як 7 працэнтаў.

версія для друку

зрабіць стартавай

дабавіць у выбранае