Прамовы і інтэрв’ю

"З намі яны не справяцца!" Лукашэнка адказаў апанентам, якія хочуць даціснуць Беларусь i Расію

Фота з архiва

31 кастрычніка, Лепельскі раён /Кар. БЕЛТА/. Прэзідэнт Беларусі Аляксандр Лукашэнка перасцерагае замежных апанентаў ад спроб даціснуць Беларусь і Расію. Аб гэтым ён заявіў у ходзе рабочай паездкі ў Віцебскую вобласць, перадае карэспандэнт БЕЛТА.

"Маніпуляваць намі нельга. І ў сувязі з гэтым я бачу, што нагнятаецца абстаноўка. Нас хочуць з расіянамі даціснуць. Пуцін, Лукашэнка - гэта наогул агрэсары. Гэтага рабіць нельга. З намі яны не справяцца. Няўжо хочуць, каб сярэдзіна мінулага стагоддзя паўтарылася? Не  справяцца яны з намі. Мы сваю зямлю будзем з расіянамі абараняць да апошняга чалавека. Але мы туды не лезем", - падкрэсліў беларускі лідар.

Аляксандр Лукашэнка ў гэтым плане нагадаў аб пагрозах перакрыць Сувалкскі калідор, праз які адбываюцца сухапутныя зносіны паміж Беларуссю і Расіяй з аднаго боку і Калінінградскай вобласцю РФ - з другога. "Расіяне з зямлі сваёй вязуць туды тавары. Не ядзерную зброю, не зброю наогул, а тавары. Яны ж правяраюцца пагранічнікамі літоўскімі там. Праз Літву гэты калідор. Вы чаго? Гэта - імперыя, ядзерная краіна. Вы нарываецеся на што? Вы навошта перашкаджаеце расіянам мець нармальныя стасункі са сваёй тэрыторыяй - Калінінградскай вобласцю? Нарываюцца", - сказаў кіраўнік дзяржавы.

Аналагічна часам гучаць пагрозы перакрыць шлях па Балтыйскім моры. Прэзідэнт нагадаў, што пасля таго як краіны Балтыі закрылі для Беларусі доступ да сваіх партоў, яна знайшла альтэрнатыўны маршрут праз парты Ленінградскай вобласці і Санкт-Пецярбурга. "У нас там порт у Бронцы. Закрылі нам магчымасць у Літве грузіцца, у партах Латвіі, у Польшчы - гэта вашы парты. Мы туды не лезем. Мы знайшлі порт у Ленінградскай вобласці. "Мы закрыем Балтыку (гучаць пагрозы. - Заўвага БЕЛТА)". Мы сядзім з Пуціным (я ўжо расказваў недзе), абмяркоўваем гэта пытанне. Я гавару: "Бачыш, да чаго дайшлі. Сталі нахабнымі". А які выхад? Ну, мы будзем суправаджаць ваеннымі караблямі свае гандлёвыя судны. Вы хочаце гэта?" - канстатаваў беларускі лідар.

"Разумееце, вось нарываюцца. Хто іх да гэтага штурхае? Мы можам толькі здагадвацца. Да таго, каб сутыкнуць тут, у Еўропе, зноў распаліць нейкі агонь. Таму я так акуратна, акуратна адступаю. Але адступаю да пэўнага перыяду", - заявіў Прэзідэнт.

версія для друку

зрабіць стартавай

дабавіць у выбранае