Прамовы і інтэрв’ю

Вальфовіч заклікаў еўрапейскіх кіраўнікоў абдумацца i перастаць пагражаць самім сабе

Фота з архiва

20 кастрычніка, Мінск /Кар. БЕЛТА/. Еўрапейскім кіраўнікам варта абдумацца і перастаць пагражаць самім сабе. Аб гэтым заявіў дзяржаўны сакратар Савета бяспекі Аляксандр Вальфовіч у эфіры тэлеканала "Беларусь 1", паведамляе БЕЛТА.

"Кіраўніцтву Германіі, Польшчы, краін Прыбалтыкі, наогул еўрапейскім кіраўнікам варта абдумацца. Паглядзіце, куды коціцца Еўропа. Не Беларусь пагражае Еўропе, і не Расійская Федэрацыя пагражае Еўропе. Яны самі сабе пагражаюць. Сёння яны мілітарызуюцца. У іх усе грошы ва ўрон сацыяльна-эканамічным праектам ідуць на патрэбы абароны", - заўважыў Аляксандр Вальфовіч. Паводле яго слоў, гэта страшная сітуацыя. Безразважнае павелічэнне колькасці ўзброеных сіл у Еўропе растлумачыць няма чым.

"Так, яны гавораць, што ім пагражае Беларусь, пагражае Расійская Федэрацыя. Але мы ж бачым, як сродкі разведкі заходніх краін практычна няспынна лятаюць уздоўж нашых граніц. За суткі 15 самалётаў-разведчыкаў і беспілотных лятальных апаратаў ажыццяўлялі разведку ўздоўж граніц Рэспублікі Беларусь. І так практычна кожныя суткі. Гэта значыць, яны добра бачаць, што сёння адбываецца на нашай тэрыторыі. І бачаць, што мы не пагражаем Захаду ні ў якай меры, - падкрэсліў дзяржсакратар Савета бяспекі. - Таму трэба абдумацца, трэба спыніцца і сапраўды глядзець на гэтыя пытанні па-іншаму: як зрабіць лепш для свайго насельніцтва".

версія для друку

зрабіць стартавай

дабавіць у выбранае