Прамовы і інтэрв’ю

Вальфовіч на гэты момант не бачыць прыкмет развязвання агрэсіі ў адносінах да Беларусі

Фота з архiва

3 лютага, Мінск /Кар. БЕЛТА/. Дзяржаўны сакратар Савета бяспекі Беларусі Аляксандр Вальфовіч на гэты момант не бачыць прыкмет развязвання агрэсіі ў адносінах да Беларусі. Аб гэтым ён заявіў у эфіры навін тэлеканала "Беларусь 1", паведамляе БЕЛТА.

"Людзі ў пагонах сваю задачу па забеспячэнні бяспекі электаральнай кампаніі, непасрэдна выбараў выканалі. Але гэта прыватная задача. Перад намі стаіць больш шырокая задача - забяспечыць у цэлым бяспеку нашай краіны. Таму мы прадаўжаем вырашаць комплексна гэтыя задачы", - адзначыў дзяржсакратар Савета бяспекі.

Адказваючы на пытанне аб верагоднасці эскалацыі абстаноўкі, Аляксандр Вальфовіч сказаў: "Выключаць яе нельга. На сёння, прынамсі, мы не бачым тых прыкмет, якія б пагражалі і сведчылі аб развязванні нейкай патэнцыяльнай агрэсіі ў адносінах да Рэспублікі Беларусь. На сённяшні дзень мы іх не бачым. Але колькасць вучэнняў і тыя захады, якія робіць кааліцыя заходніх краін, вядома, яны не супакойваюць".

Аляксандр Вальфовіч, у прыватнасці, згадаў аб рашэннях камітэта начальнікаў штабоў, на якім было прынята рашэнне аб значным павелічэнні ваенных бюджэтаў шэрага краін, уключаючы бліжэйшых суседзяў Беларусі - Польшчу і краіны Балтыі. "Гэта значыць расходы, якія будуць патрачаны Польшчай, Літвой, Латвіяй на ваенныя патрэбы, зашкальваюць звыш разумных лічбаў. У гэтым няма ніякай абсалютна неабходнасці", - падкрэсліў дзяржаўны сакратар Савета бяспекі.

Ён дадаў, што ў суседніх краінах добра бачаць, што з боку Беларусі ў адносінах да іх не сыходзіць ніякіх пагроз, у тым ліку ваенных.

версія для друку

зрабіць стартавай

дабавіць у выбранае