Прамовы і інтэрв’ю

"Унікальны аб'ект для Беларусі". Кіраўнік НАК аб адкрыцці цэнтра "Пясчаная дзюна"

20 студзеня, Мінск /Кар. БЕЛТА/. Прэзідэнт Нацыянальнага алімпійскага камітэта Беларусі Віктар Лукашэнка адкрыў Цэнтр пляжных відаў спорту "Пясчаная дзюна" ў сталіцы, паведамляе карэспандэнт БЕЛТА.

Удзел у цырымоніі адкрыцця таксама прынялі міністр спорту Сяргей Кавальчук, лідар нацыянальнай каманды па пляжным футболе, адзін з лепшых ігракоў свету Ігар Брыштэль і прадстаўнікі федэрацый па відах спорту.

"Новы цэнтр - унікальны аб'ект для нашай краіны і блізкага замежжа, які адкрыты дзякуючы вынікам на сусветнай арэне. Беларусь - не марская краіна, у нас няма вялікіх пляжаў. Затое ёсць тыя, хто з поспехам займаецца пляжнымі відамі спорту, і мы імі ганарымся. У першую чаргу, гэта пляжны футбол і пляжны валейбол. Хацелася б, каб гэты цэнтр стаў домам для каманд, якія ў ім мелі такую патрэбу. Спадзяюся, наяўнасць такога аб'екта будзе яшчэ адным штуршком для прагрэсу маладых ігракоў", - падкрэсліў кіраўнік НАК.

Цэнтр "Пясчаная дзюна" будзе выкарыстоўвацца для правядзення круглагадовых трэніровак і спаборніцтваў па пляжным футболе, пляжным валейболе, пляжным тэнісе, пляжным гандболе, фрысбі-фрыстайле і іншых дысцыплінах.

Цэнтр пляжных відаў спорту адкрыўся ў Мінску

версія для друку

зрабіць стартавай

дабавіць у выбранае