Прамовы і інтэрв’ю
"У цяжкі час Расія адкрывае самую сакрэтную сферу". Лукашэнка пра Глабальны атамны форум
25 верасня, Масква /Кар. БЕЛТА/. У цяжкі час Расія адкрывае самую сакрэтную сферу. Аб гэтым Прэзідэнт Беларусі Аляксандр Лукашэнка заявіў на Глабальным атамным форуме ў Маскве, перадае карэспандэнт БЕЛТА.
Кіраўнік дзяржавы ў першую чаргу звярнуў увагу ўдзельнікаў мерапрыемства на факт правядзення Расіяй цяперашняга форуму, улічваючы міжнародную абстаноўку. "Вы ведаеце, у якой сітуацыі знаходзіцца Расія, мы ў тым ліку. Што толькі пра нас сёння не пішуць, не гавораць, абзываюць рознымі словамі. І агрэсары мы, і суагрэсары, і гэтак далей, - сказаў кіраўнік дзяржавы. - Што граху таіць, у Расіі, як і ва ўсіх іншых краін, якія тут прысутнічаюць, праблем дастаткова. Асабліва ў нашай Расійскай Федэрацыі шмат пытанняў, праблем і шмат барацьбы, якую ацэняць у будучым. Я ў гэтым проста ўпэўнены".
"Тым не менш, мы што, гаворым сёння пра вайну, гаворым пра ваенныя праблемы? Не. А з падачы той жа Расіі, у якой нямала праблем, мы гаворым пра мірны атам. Мы сабраліся на форум, дзе Расія дзеліцца сваім вопытам. Назавіце яшчэ іншыя краіны, якія валодаюць такімі тэхналогіямі, якія б так адкрыта заявілі: "Прыходзьце і глядзіце!" Самыя перадавыя тэхналогіі, якімі адкрыта не дзеляцца. Вось так адкрыта ў складаны час заявілі аб тым, што прыходзьце, мы будзем з вамі супрацоўнічаць і мы вас навучым. У Расіі сёння няма сакрэтаў у самай сакрэтнай галіне. У складаны час Расія адкрывае нам самую сакрэтную сферу", - сказаў Аляксандр Лукашэнка.
Кіраўнік дзяржавы адзначыў, што Расія пабудавала і пабудуе шмат яшчэ атамных станцый у іншых краінах, але ён падкрэсліў падыход менавіта ў адносінах да Беларусі, уключаючы выдзяленне крэдытных рэсурсаў і перадачу практычнага вопыту. "Мы разам стварылі атамную станцыю, рэалізаваўшы самы сучасны праект. Мы стварылі самую сучасную, самую прыгожую атамную станцыю", - падкрэсліў беларускі лідар.
Ён яшчэ раз падзякаваў расійскаму боку за рэалізацыю ў Беларусі гэтага праекта.
"Таму станцый будзе шмат. Але тое, што робіць сёння Расія ў гэтым плане ў добрым сэнсе слова, - гэта немагчыма ні адной іншай краіне. Гэта вялікая справа, якую Расія сёння ажыццяўляе, і за гэта ў свеце яе паважаюць", - дадаў Аляксандр Лукашэнка.
Трэба адзначыць, што сярод іншых спікераў на форуме быў міністр горназдабыўной прамысловасці Рэспублікі Нігер Усман Абарчы, які заявіў аб планах па развіцці ў яго краіне атамнай энергетыкі. Ён выказаўся ў падтрымку пазіцыі Прэзідэнта Беларусі наконт таго, што многія краіны, у адрозненне ад Расіі, не хочуць дзяліцца сваімі атамнымі тэхналогіямі: "Тое, што мы сядзім за гэтым сталом, гэта сапраўды сведчанне таго, што Расія дзейнічае высакародна. Яна дзеліцца тэхналогіямі. Тыя, хто лічыць, што мы з'яўляемся малой краінай, беднай краінай, - на самай справе мы не бедная і не малая краіна".
Прадстаўнік афрыканскай краіны падкрэсліў важнасць развіцця атамнай энергетыкі для ўстойлівага развіцця ў рэгіёне.
версія для друку
зрабіць стартавай
дабавіць у выбранае