Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

5 Jan 2018

Спрашчэнне візавага рэжыму павысіць цікавасць да форуму-выстаўкі "Брэст 2018"

5 студзеня, Брэст /Кар. БЕЛТА/. Спрашчэнне візавага рэжыму павысіць цікавасць да міжнароднага форуму-выстаўкі дзелавых кантактаў "Брэст 2018". Такое меркаванне выказала карэспандэнту БЕЛТА начальнік аддзела знешнеэканамічнага супрацоўніцтва, работы з членамі Палаты і мытнага афармлення Брэсцкага аддзялення Беларускай гандлёва-прамысловай палаты Алена Піўнік.

"У мінулым годзе ў якасці наведвальнікаў нашага форуму-выстаўкі было зарэгістравана каля 200 замежных гасцей. Думаю, што ў гэтым годзе іх колькасць істотна ўзрасце. Са спрашчэннем уезду на тэрыторыю Брэста ў патэнцыяльных удзельнікаў мерапрыемства з'яўляюцца дадатковыя магчымасці. Бо цяпер прыняцце рашэння аб паездцы дапускаецца ў апошні момант", - адзначыла Алена Піўнік.

Паводле яе слоў, запрашэнні на форум-выстаўку былі разасланы ўсім партнёрскім арганізацыям яшчэ да Новага года, каб яны маглі ўключыць "Брэст 2018" у свае планы работы. Размова ідзе аб замежных гандлёва-прамысловых палатах, асацыяцыях бізнесу, буйных кампаніях, суб'ектах малога і сярэдняга бізнесу - пастаянных удзельніках мерапрыемстваў знешнеэканамічнага характару. Адпраўлена каля 1 тыс. пісем-запрашэнняў па ўсіх напрамках - у краіны СНД, Еўропы, Азіі, Блізкага Усходу, Афрыкі, Еўразійскага эканамічнага саюза.

"Паступілі першыя водгукі на запрашэнні са Славакіі, Харватыі, Польшчы, Германіі. Ёсць заяўкі на калектыўныя стэнды ад прадстаўнікоў дзелавых колаў Пскова і Бранска. Дарэчы, у гэтым годзе мы робім стаўку менавіта на такую форму ўдзелу ў выстаўцы, прапануючы патэнцыяльным экспанентам фарміраваць калектыўныя стэнды па рэгіянальнай прыналежнасці", - дапоўніла начальнік аддзела абласнога аддзялення БелГПП.

ІІІ міжнародны форум-выстаўка дзелавых кантактаў "Брэст 2018" пройдзе 26-27 красавіка. Мерапрыемства прадаставіць пляцоўку для дыялогу па актуальных пытаннях інвесціравання, устанаўлення і ўмацавання доўгатэрміновага супрацоўніцтва ў сферы вытворчасці, гандлю і паслуг паміж беларускімі і замежнымі прадпрыемствамі і кампаніямі. У час форуму адбудуцца дзелавыя сустрэчы і кантактна-кааперацыйныя біржы ў фармаце В2В. Выстаўка прадугледжвае прэзентацыю эканамічнага патэнцыялу Брэсцкай вобласці і рэспублікі, найбольш прывабныя інвестыцыйныя праекты і стартапы рэгіёна.

Арганізатарамі мерапрыемства выступаюць Брэсцкі аблвыканкам і рэгіянальнае аддзяленне Беларускай гандлёва-прамысловай палаты.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі