Прамовы і інтэрв’ю

Сіярта: партнёрства немагчыма будаваць праз санкцыі

Скрыншот відэа "Беларусь 1"

8 чэрвеня, Мінск /Кар. БЕЛТА/. Партнёрства немагчыма будаваць праз санкцыі. Такое меркаванне 7 чэрвеня ў праграме "Галоўны эфір" на тэлеканале "Беларусь 1" выказаў міністр замежных спраў і знешняга гандлю Венгрыі Петэр Сіярта, паведамляе БЕЛТА.

"Мы разглядаем "Усходняе партнёрства" як вельмі важную ініцыятыву. Але партнёрства немагчыма будаваць праз санкцыі", - сказаў Петэр Сіярта. Ён выказаў надзею, што ЕС сур'ёзна задумаецца і, нарэшце, адмовіцца ад санкцый адносна Беларусі.

На думку міністра, гэта асабістая справа кожнай краіны, яе жыхароў - вызначаць сваю будучыню. Праўда, некаторыя еўрапейскія краіны так не лічаць, яны ўпэўнены, што маюць права і павінны настаўляць. Але гісторыя не раз даказвала, што жыццё па чужой указцы нічым добрым не заканчваецца. "Мы заўсёды просім сваіх сяброў і калег па ЕС не ўмешвацца ў нашы ўнутраныя справы. Давайце лепш абмяркоўваць шляхі эфектыўнага супрацоўніцтва, а венгры няхай самі вырашаюць, як жыць у сваёй краіне", - падкрэсліў ён.

Гаворачы аб выніках перагавораў у час візіту ў Мінск прэм'ер-міністра Венгрыі Віктара Орбана, Петэр Сіярта адзначыў, што адносіны паміж дзвюма краінамі развіваюцца інтэнсіўна. Знешнепалітычныя ведамствы цесна супрацоўнічаюць, Беларусь і Венгрыя заключылі шмат пагадненняў і ўвасобілі іх, але, зразумела, вельмі важна, калі сустракаюцца лідары дзяржаў і змацоўваюць дамоўленасці сваім подпісам. "Калі сустракаюцца першыя асобы, увесь працэс ідзе значна хутчэй, дакладней і прасцей. Безумоўна, паміж нашымі лідарамі - поўнае ўзаемаразуменне і ўзаемапавага. Адзін з асноўных прынцыпаў нашай палітыкі: мы ставімся з павагай і чакаем павагі да сябе", - сказаў ён.

Што датычыцца адносін паміж Будапештам і Бруселем, Петэр Сіярта расказаў, што апошнія гады Венгрыя зведвае пастаянныя атакі па некалькіх прычынах. "Першая - міжнародны ліберальны мэйнстрым не можа ўспрыняць нашу палітыку патрыятызму. Тое ж, дарэчы, і з Польшчай. У Венгрыі і Польшчы - два вельмі патрыятычныя ўрады, якія працуюць на нацыянальныя інтарэсы. І вось ліберальны мэйнстрым ну ніяк не жадае гэта прымаць, а ўсё таму, што наша палітыка эфектыўная", - адзначыў ён.

Другая прычына крытыкі ў адрас Венгрыі - міграцыйная палітыка. "Гэта сур'ёзны выклік, і мы зноў адкрыта пайшлі супраць міжнароднага ліберальнага мэйнстрыму: Венгрыя не будзе прымаць нелегалаў. Мы далі дакладна зразумець, што гэта толькі наша права - вырашаць. Усе такія выпады супраць нас ажыццяўляюцца па дакладнай схеме: выказваецца занепакоенасць, ідзе паток фэйкаў. Але як ідуць справы, ніхто з крытыкаў не жадае ведаць. Нас абвінавачвалі ў дыктатуры, захопе ўлады, але пасля таго як пакет мер быў адобраны парламентам, ніхто не сказаў ні слова", - растлумачыў міністр.

версія для друку

зрабіць стартавай

дабавіць у выбранае