Прамовы і інтэрв’ю
Шчоткіна: Адказнасць павінна быць адным з галоўных крытэрыяў у рабоце журналіста
5 мая, Мінск /Кар. БЕЛТА/. Адказнасць павінна быць адным з галоўных крытэрыяў у рабоце журналіста. Такое меркаванне выказала 5 мая журналістам намеснік старшыні Савета Рэспублікі Нацыянальнага сходу Мар'яна Шчоткіна, якая прымала ўдзел ва ўрачыстай цырымоніі ўзнагароджання пераможцаў XIII Нацыянальнага конкурсу друкаваных сродкаў масавай інфармацыі "Залатая Літара", перадае карэспандэнт БЕЛТА.
Сучаснае жыццё насычана інфармацыяй, чытачы маюць магчымасць атрымаць яе з вялікай колькасці крыніц - як друкаваных сродкаў масавай інфармацыі, так і інтэрнэт-рэсурсаў. Аднак заўсёды, у аснове любой інфармацыі павінны быць такія крытэрыі, як аб'ектыўнасць, дакладнасць, адказнасць, лічыць Мар'яна Шчоткіна. "Толькі з пазіцыі павагі да чытача, любові да краіны, да жыцця можна падаваць матэрыял і гаварыць аб тым, як павінна быць і што трэба рабіць, дзе аказаць падтрымку, на што варта звярнуць увагу", - сказала яна.
Разуменне адказнасці за праводзімую работу павінна быць у кожнага, хто займаецца журналістыкай, пераканана Мар'яна Шчоткіна. Хоць інфармацыя з вуснаў журналіста можа мець некаторую суб'ектыўнасць, што зразумела, важна заўсёды даносіць праўду, таму што, перадаючы інфармацыю, чалавек бярэ на сябе адказнасць у тым ліку і за чытачоў, выказала меркаванне намеснік старшыні Савета Рэспублікі.
Мар'яна Шчоткіна павіншавала прадстаўнікоў СМІ з прафесійным святам - Днём друку і выказала журналістам словы ўдзячнасці.
версія для друку
зрабіць стартавай
дабавіць у выбранае