Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

18 Feb 2020

Сечын аб перагаворах з Лукашэнкам: мы настроены канструктыўна

Сечын аб перагаворах з Лукашэнкам: мы настроены канструктыўна
Ігар Сечын

18 лютага, Мінск /Кацярына Крышэнік - БЕЛТА/. Галоўны выканаўчы дырэктар, старшыня праўлення ПАТ "НК "Раснафта" Ігар Сечын заявіў, што настроены на канструктыўныя перагаворы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Ігар Сечын звярнуў увагу, што "Раснафта" з'яўляецца адным з буйных інвестараў у эканоміку Беларусі. "Мы з'яўляемся ўдзельнікамі акцыянернага капіталу Мазырскага НПЗ, у нас ёсць сетка заправак на тэрыторыі Беларусі, яна невялікая - працуюць 36 АЗС", - сказаў ён.

Кіраўнік кампаніі адзначыў, што з радасцю прыняў запрашэнне беларускага лідара прыехаць у Мінск, як рабіў гэта і раней. "Я вельмі цаню тыя даверныя адносіны, якія існуюць паміж намі", - дадаў ён.

Як заявіў Прэзідэнт Беларусі Аляксандр Лукашэнка, галоўнай тэмай сустрэчы з'яўляецца сітуацыя з пастаўкамі нафты з Расіі. "Утойваць няма чаго - хацеў бы абмеркаваць з кіраўніком буйнейшай нафтаздабыўной публічнай кампаніі сітуацыю, якая складваецца ў нас ва ўзаемаадносінах, можна сказаць, Беларусі і Расіі па нафце. Ведаю, што вы ў курсе справы, але было б няправільна нават не параіцца па асобных пытаннях, як дзейнічаць далей і як працаваць, у тым ліку і з "Раснафтай". Таму што па мінулым годзе вы ў Беларусь паставілі ні многа, ні мала - палавіну нафты, якую мы куплялі ў Расіі. Перапрацавалі тут у нас, у Беларусі", - сказаў кіраўнік дзяржавы.

"Адказваючы на ваша пытанне, што рабіць далей, Аляксандр Рыгоравіч, трэба працаваць разам, вядома, - адзначыў у сваю чаргу Ігар Сечын. - Мы настроены канструктыўна. Я рады, што ў мяне ёсць магчымасць гэту тэму абмеркаваць разам з вамі".

"Раснафта" - лідар расійскай нафтавай галіны і буйнейшая публічная нафтагазавая карпарацыя свету. Асноўнымі відамі дзейнасці ПАТ "НК "Раснафта" з'яўляюцца пошук і разведка радовішчаў вуглевадародаў, здабыча нафты, газу, газавага кандэнсату, рэалізацыя праектаў па асваенні марскіх радовішчаў, перапрацоўка здабытай сыравіны, рэалізацыя нафты, газу і прадуктаў іх перапрацоўкі на тэрыторыі Расіі і за яе межамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі