Прамовы і інтэрв’ю
Рыбакоў: Беларусь накіруе намаганні на пашырэнне Мэт устойлівага развіцця ААН
24 кастрычніка, Гродна /Таццяна Вішнеўская - БЕЛТА/. Беларусь прадоўжыць работу па абароне традыцыйных сямейных каштоўнасцей і накіруе намаганні на пашырэнне Мэт устойлівага развіцця ААН. Аб гэтым заявіў 24 кастрычніка на прадстаўнічай прэс-канферэнцыі з удзелам кіраўнікоў рэгіянальных бюро ПРААН, СААЗ, ЮНІСЕФ, ЮНФПА, ЮНЭЙДС у Гродне намеснік міністра замежных спраў Беларусі Валянцін Рыбакоў, перадае карэспандэнт БЕЛТА.
"Запуск маштабнай ініцыятывы "Экспрэс ААН-70 у Беларусі для Мэт устойлівага развіцця" і падарожжа поезда ААН па ўсіх абласных цэнтрах Беларусі - гэта самы маштабны аб'яднальны асветніцкі краінавы юбілейны праект Арганізацыі Аб'яднаных Нацый. Мы нават не верылі, што зрабіць гэта будзе магчымым. Але ў нашай краіне ёсць палітычная воля адносна рэалізацыі зацверджаных ААН Мэт устойлівага развіцця", - сказаў Валянцін Рыбакоў. Ён падзякаваў рэзідэнту - каардынатару ААН / прадстаўніку ПРААН у Беларусі Санаку Самарасінху за ініцыятыву і плённае супрацоўніцтва і пажадаў яму пабудаваць "дом ААН" у Беларусі.
"У праграмным дакуменце па МУР знайшлі максімальнае адлюстраванне мэты і задачы кожнай дзяржавы, ён стане асновай для перспектыўнага развіцця краін - членаў ААН. Спадзяюся, што ў Беларусі падпісаная рамачная праграма МУР, якая прадугледжвае дасягненне 17 мэт і 169 канкрэтных задач, будзе рэалізавана ў абазначаныя тэрміны з улікам нацыянальных інтарэсаў нашай краіны", - сказаў намеснік міністра.
Валянцін Рыбакоў таксама адзначыў, што сярод інтарэсаў Беларусі, які не ўвайшлі ў праграму, але работа па пашырэнні якіх у грамадстве будзе прадоўжана, - абарона традыцыйных сямейных каштоўнасцей. "Мы будзем прадаўжаць актыўна працаваць у гэтым напрамку", - сказаў ён.
версія для друку
зрабіць стартавай
дабавіць у выбранае