Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

17 Jul 2020

Румо: Беларусь выбрала правільную тактыку барацьбы з COVID-19

Румо: Беларусь выбрала правільную тактыку барацьбы з COVID-19
Фота з архiва

17 ліпеня, Мінск /Кар. БЕЛТА/. Беларусь выбрала правільную тактыку барацьбы з COVID-19, заявіў карэспандэнту БЕЛТА дырэктар Мінскага навукова-практычнага цэнтра хірургіі, транспланталогіі і гематалогіі, член Савета Рэспублікі Нацыянальнага сходу Алег Румо.

"Каранавірусная пнеўманія - гэта біялагічная вайна, якая была аб'яўлена ўсяму чалавецтву. Афіцэрамі і салдатамі сталі ўрачы і медсёстры. Але для таго, каб у такой поўнамаштабнай вайне перамагчы, у абавязковым парадку патрэбны тры рэчы: дасведчаныя кіраўнікі, падтрымка ўсяго грамадства і суперсучасная зброя. Сённяшні факт перадачы і ўвядзення ў строй новага камп'ютарнага тамографа ў 5-й гарадской клінічнай бальніцы - гэта дааснашчэнне нас суперсучаснай зброяй. І тое, што ў даволі кароткі перыяд часу мы справіліся з той вельмі складанай сітуацыяй, якая была ва ўсім свеце і закранула Беларусь, сведчыць аб тым, што мы выбралі правільную тактыку, мы падрыхтаваныя і ўзброеныя", - сказаў Алег Румо.

Паводле яго слоў, усё гэта дало нам магчымасць выйсці са складанай эпідсітуацыі з найменшымі людскімі і фінансавымі стратамі. "Яшчэ мы заклалі трывалы фундамент на будучыню, паколькі не выключана, што новыя аналагічныя выклікі будуць паўтарацца. А ў гэтай сітуацыі мы ўзброены значна лепш, чым у сакавіку, - адзначыў дырэктар НПЦ. - Таму я ўпэўнены, што закупка дзесяці камп'ютарных тамографаў - абсалютна правільнае і патрэбнае рашэнне і яшчэ раз пацвярджае, што выбраная намі тактыка эфектыўная і добра працуе".

Як паведамлялася, сёння ў 5-й гарадской клінічнай бальніцы Мінска адкрыты кабінет камп'ютарнай тамаграфіі. Гэта першы з дзесяці КТ, якія пастаўлены ў Беларусь па асабістай дамоўленасці кіраўніка дзяржавы і Міхаіла Гуцарыева. Кампанія "Славкалій" аказала спонсарскую дапамогу для перааснашчэння арганізацый аховы здароўя беларускай сталіцы. Усе дзесяць апаратаў паступілі ўжо ў краіну. Згодна з планам размеркавання два камп'ютарныя тамографы будуць устаноўлены ў стацыянарных установах - 5-й і 4-й гарбальніцах, восем - у кансультатыўна-паліклінічных аддзяленнях. На гэты момант у Мінску дзейнічаюць 18 апаратаў КТ.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі