Прамовы і інтэрв’ю

Пуцін: Беларусь з'яўляецца сур'ёзным партнёрам Расіі ў галіне атамнай энергетыкі

26 верасня, Масква /Кар. БЕЛТА/. Беларусь з'яўляецца сур'ёзным партнёрам Расіі ў галіне атамнай энергетыкі. Аб гэтым Прэзідэнт Расіі Уладзімір Пуцін заявіў на сустрэчы ў Крамлі з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

У першую чаргу кіраўнік расійскай дзяржавы падзякаваў беларускаму калегу за ўдзел у Глабальным атамным форуме, прысвечаным 80-годдзю атамнай прамысловасці Расіі. "Па сутнасці, гэта наша агульнае свята. Па-першае, таму што гэта 80 гадоў стварэння атамнай галіны ў СССР і мы былі разам у гэты час. А па-другое, на сёння Беларусь стала нашым сур'ёзным партнёрам у галіне атамнай энергетыкі, паколькі створана першая АЭС у Беларусі і, больш таго, узнікла галіна ў Беларусі, спецыялісты якой цяпер разам з "Расатамам" працуюць нават над узвядзеннем атамных аб'ектаў у трэціх краінах. І гэта, вядома, не можа не радаваць", - сказаў Уладзімір Пуцін.

Ён згадаў, што, паводле даных беларускага боку, каля 40 працэнтаў электрычнасці ў краіне выпрацоўваецца Беларускай атамнай электрастанцыяй. За кошт чаго адбываецца істотная эканомія іншых энергарэсурсаў, у тым ліку прыроднага газу. "Стварылі канкурэнта для "Газпрама", які пастаўляў проста першасны энерганосьбіт, і Беларусь купляла. Цяпер таксама купляе, але, вядома, патрэбнасці скараціліся ў гэтым сэнсе", - заўважыў Прэзідэнт Расіі.

версія для друку

зрабіць стартавай

дабавіць у выбранае