Прамовы і інтэрв’ю

Прэзідэнт: зрабіць з Кітая ізгоя з-за каранавіруса не атрымаецца

Аляксандр Лукашэнка

4 лютага, Добруш /Кар. БЕЛТА/. Зрабіць з Кітая ізгоя з-за каранавіруса не атрымаецца. Аб гэтым Прэзідэнт Беларусі Аляксандр Лукашэнка заявіў сёння журналістам у Добрушы, перадае карэспандэнт БЕЛТА.

"Нам варта трывожыцца. Але толькі ў адным - мыйце рукі, менш абдымайцеся з незнаёмымі людзьмі на вуліцы. Я намякаю на асабістую гігіену. Усё астатняе - за Міністэрствам аховы здароўя. Калі мы не пылім, як некаторыя краіны тут гвалтам крычаць, не значыць, што мы не займаемся гэтым пытаннем", - сказаў Аляксандр Лукашэнка.

Прэзідэнт звярнуў увагу, што не прыніжае небяспеку новага віруса, але на гэтай праблеме нажываюцца многія кампаніі. "Не трэба людзей палохаць. Слухайце, колькі ў нас ужо было гэтых вірусаў, - адзначыў беларускі лідар. - Гвалтаваць не трэба, трэба проста ціха працаваць".

"Трэба некаму закрыць граніцу, няхай закрываюць. Мы не будзем з кітайцамі перапыняць нашы адносіны. Але і кітайцы, і нашы людзі, якія прыязджаюць з Кітая (мы аб гэтым пасла праінфармавалі), - у аэрапорце мы іх надглядаем, на каранцін бяром, абследуем. У нас спецыялістаў для гэтага дастаткова. І мы прапанавалі нашу дапамогу кітайцам. Прытым гэта не я прапанаваў. Да мяне прыйшлі спецыялісты на чале з міністрам і гавораць: Аляксандр Рыгоравіч, калі Сі Цзіньпіну патрэбна нейкая наша дапамога, спецыялістаў, мы гатовы выехаць", - заявіў кіраўнік дзяржавы.

Ён дадаў, што ў цэлым трэба спакайней рэагаваць на сітуацыю.

версія для друку

зрабіць стартавай

дабавіць у выбранае