Прамовы і інтэрв’ю

Пастаянны прадстаўнік пры АДКБ падкрэсліў нацэленасць беларускага боку на канструктыўную i ініцыятыўную работу

Фота з архiва

6 мая, Масква /Эдуард Півавар - БЕЛТА/. Сустрэча генеральнага сакратара АДКБ Таалатбека Масадыкава з нованазначаным пастаянным і паўнамоцным прадстаўніком Рэспублікі Беларусь пры АДКБ Уладзімірам Бяспалым адбылася 6 мая ў Маскве ў Сакратарыяце АДКБ, паведамілі БЕЛТА ў прэс-службе арганізацыі.

"Субяседнікі абмеркавалі актуальныя праблемы, якія датычацца міжнароднай палітыкі і бяспекі, а таксама пытанні бягучай дзейнасці арганізацыі. Уладзімір Бяспалы падкрэсліў нацэленасць беларускага боку на канструктыўную і ініцыятыўную работу ў інтарэсах калектыўнай бяспекі", - адзначылі ў прэс-службе АДКБ.

Таалатбек Масадыкаў павіншаваў Уладзіміра Бяспалага з назначэннем.

Паводле інфармацыі прэс-службы пасольства Беларусі ў РФ, бакі абмяняліся думкамі па перспектыўным парадку дня дзейнасці АДКБ, а таксама ходзе падрыхтоўкі да маючых адбыцца ў маі - чэрвені пасяджэнняў Савета міністраў замежных спраў, Савета міністраў абароны і Камітэта сакратароў саветаў бяспекі арганізацыі.

"Беларускі дыпламат падкрэсліў гатоўнасць Мінска да далейшага актыўнага практычнага ўзаемадзеяння з дзяржавамі-членамі, накіраванага на ўдасканаленне функцыянавання ўсіх механізмаў і інстытутаў АДКБ, а таксама ўмацаванне бяспекі і стабільнасці ў зоне адказнасці арганізацыі. Звярнуў асаблівую ўвагу на нашы ініцыятывы па ўдасканаленні дакументаў АДКБ стратэгічнага характару і іх адаптацыі да зменлівых умоў сучаснага свету, умацаванні калектыўных механізмаў забеспячэння бяспекі, аб'яднанні аналітычнага патэнцыялу дзяржаў-членаў па пытаннях бяспекі", - расказалі ў пасольстве.

Уладзімір Бяспалы перадаў генеральнаму сакратару АДКБ запрашэнне наведаць ІІІ Міжнародную выстаўку індустрыі бяспекі "Нацыянальная бяспека. Беларусь - 2026".

версія для друку

зрабіць стартавай

дабавіць у выбранае