Прамовы і інтэрв’ю

Пасол Бразіліі: Беларусь стала для нашай краіны стратэгічным партнёрам

28 ліпеня, Мінск /Кар. БЕЛТА/. Беларусь стала стратэгічным партнёрам для Бразіліі. Аб гэтым журналістам заявіў пасол Бразіліі ў Беларусі Жуліа Сезар Фонтэс Ларанжэйра, перадае карэспандэнт БЕЛТА.

Пасол нагадаў, што дыпламатычныя адносіны паміж Беларуссю і Бразіліяй былі ўстаноўлены ў 1992 годзе. За гэты час быў падпісаны шэраг пагадненняў, у тым ліку ў сферах адукацыі, аховы здароўя, тэхналогій. "Беларусь стала стратэгічным партнёрам для Бразіліі. Беларускі калій закрывае каля 30% патрэбнасці нашага ўнутранага рынку", - падкрэсліў Жуліа Сезар Фонтэс Ларанжэйра.

У ходзе сваёй дыпламатычнай місіі пасол плануе прыкласці намаганні для развіцця гандлю і культурных адносін паміж Мінскам і Бразілія. "Мне хацелася б вызначыць, якія паслугі і тавары з Бразіліі могуць быць запатрабаваны ў Беларусі. Акрамя таго, хацелася б дыверсіфікаваць наш гандаль, таму што ён, у асноўным, сканцэнтраваны на каліі. А ў Беларусі ж ёсць шмат тавараў і паслуг, якія маглі б быць цікавы Бразіліі. У Беларусі вельмі развіта IT-індустрыя, выпускаюцца трактары, якія могуць быць карысны нам... Я думаю, ёсць шмат розных сфер для развіцця супрацоўніцтва", - канстатаваў ён.

версія для друку

зрабіць стартавай

дабавіць у выбранае