Прамовы і інтэрв’ю

"Лічу, што нам трэба працаваць (з ЕС. - Заўвага БЕЛТА) у тым рэчышчы, каб максімальна зблізіць пазіцыі", - сказаў віцэ-спікер. У цэлым, паводле яго слоў, парламент шостага склікання настроены на тое, каб пазіцыі краіны гучалі на міжнароднай арэне больш пераканаўча, і будзе весціся актыўная работа па фарміраванні пазітыўнага іміджу Беларусі за мяжой. Баляслаў Пірштук лічыць, што ў многім гэта пытанне можна вырашаць за кошт актыўнай работы парламенцкіх груп і супрацоўніцтва ў міжнародных арганізацыях.

У сваю чаргу старшыня Пастаяннай камісіі Палаты прадстаўнікоў па міжнародных справах Валерый Варанецкі адзначыў, што Беларусь зацікаўлена ў добрых і плённых адносінах са сваімі суседзямі, краіна праводзіць шматвектарную палітыку. "Вядома, мы зацікаўлены, каб з Еўрасаюзам у нас развіваліся цесныя, актыўныя адносіны, каб яны былі добрасуседскімі, канструктыўнымі", - падкрэсліў парламентарый.

Ён звярнуў увагу, што ў Еўропе да гэтага часу назбіралася нямала вострых праблем, якія лепш за ўсё вырашаць разам, а Беларусь, без перабольшання, з'яўляецца донарам рэгіянальнай стабільнасці. Акрамя таго, паводле слоў дэпутата, пэўнае напружанне ў ЕС стварае сістэма прыняцця рашэнняў - яна вельмі складаная і працаёмкая, і часта краінам няпроста прыйсці да адзінага меркавання па тым ці іншым пытанні. "У гэтым ёсць праблема, і вы бачыце рэакцыю краін Еўрасаюза на тыя ці іншыя дзеянні Бруселя. Яна не заўсёды адназначная", - заўважыў Валерый Варанецкі, які раней працаваў на пасадзе пасла Беларусі ў Аўстрыі.

Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рахманаў дадаў, што ўвогуле апошнім часам сфарміравана пазітыўная тэндэнцыя ва ўзаемадзеянні Беларусі і ЕС, у тым ліку дзякуючы ўзважанай палітыцы беларускага боку.