Прамовы і інтэрв’ю

"Не будзе як-небудзь, будзе як трэба". Лукашэнка растлумачыў, чаму аб'явіў пяцігодку якасці i Год добраўпарадкавання

3 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка 3 студзеня на сустрэчы з даверанымі асобамі растлумачыў, чаму аб'явіў пяцігодку якасці, а яе першы год - Годам добраўпарадкавання, перадае карэспандэнт БЕЛТА.

"Кіраўніку Адміністрацыі я даручыў падрыхтаваць два ўказы: першы ўказ аб пяцігодцы якасці і другі ўказ - аб добраўпарадкаванні нашай краіны. Па-мойму, я ўпершыню ўказамі буду дэталёва даручаць разбірацца ў гэтых пытаннях. Будзем шчырыя, Год якасці ў нас прайшоў - мы, быццам бы, яго і не заўважылі. Так, трэба пакрытыкаваць СМІ, што яны мала ўвагі ўдзялялі. Але жыццё не прапаноўвала СМІ гэтыя пытанні, вось у чым праблема. Таму ёсць пэўная беларуская фармальнасць: як-небудзь будзе. Не будзе як-небудзь, будзе як трэба", - падкрэсліў Аляксандр Лукашэнка.

Паводле яго слоў, гэтыя ўказы будуць падрыхтаваны ў студзені. "Людзі павінны ведаць, што ж такое добраўпарадкаванне, што трэба зрабіць у працэсе добраўпарадкавання. Работы шмат, мы павінны вылізаць краіну. Гэта вялікія грошы, будзе шчырыя. Турысты едуць да нас, ахкаюць, вохкаюць: ой, як чыста, ой, як добра. Трэба гэта дашліфаваць", - сказаў Прэзідэнт.

"Праблем нямала, вы іх ведаеце. Я іх абазначаў не адзін раз: і цэнаўтварэнне, і ЖКГ, і іншае. Трэба гэта ўсё давесці да ладу. Патрэбна дакладная выканальніцкая дысцыпліна. Трэба проста выконваць тое, аб чым мы дамаўляліся. Гэта датычыцца і вас, і чыноўнікаў ва ўрадзе, Адміністрацыі Прэзідэнта і гэтак далей", - дадаў кіраўнік дзяржавы.

версія для друку

зрабіць стартавай

дабавіць у выбранае