Прамовы і інтэрв’ю

У мерапрыемстве прымаюць удзел вядучыя СМІ з Беларусі, Расіі, Малдовы, Казахстана, Кыргызстана, Украіны, Таджыкістана. Форум сабраў у Пекіне каля 170 прадстаўнікоў сродкаў масавай інфармацыі амаль з 60 краін свету.

Намеснік міністра камерцыі адзначыў, што ў рамках ініцыятывы "Адзін пояс, адзін шлях" Кітай будзе імкнуцца ствараць з замежнымі партнёрамі новыя сумесныя тэхнапаркі і прамысловыя кластары.

Цянь Кэмін таксама падкрэсліў важнасць таго, што кітайская канцэпцыя пабудовы эканамічнага пояса Шаўковага шляху атрымала пазітыўны водгук у сусветнай супольнасці. "Кітайская ініцыятыва "Адзін пояс, адзін шлях" накіравана на стымуляванне шматбаковага гандлю. Пры гэтым гандлёва-эканамічнае супрацоўніцтва будзе служыць каталізатарам для актывізацыі ўсяго спектра адносін паміж краінамі - удзельніцамі Шаўковага шляху, - сказаў ён. - Мы будзем прытрымлівацца прынцыпу забеспячэння агульнага доступу дзяржаў-удзельніц да новых бонусаў і выгад. Гэта будзе важнай перадумовай для павышэння прывабнасці ініцыятывы "Адзін пояс, адзін шлях".

Кітайска-беларускі індустрыяльны парк "Вялікі камень" уяўляе сабою тэрытарыяльнае ўтварэнне плошчай каля 80 кв.км з асаблівым прававым рэжымам для забеспячэння камфортных умоў вядзення бізнесу. Парк размешчаны за 25 км ад сталіцы Беларусі і ў непасрэднай блізкасці ад міжнароднага аэрапорта, чыгуначных пуцей, транснацыянальнай аўтамабільнай магістралі Берлін - Масква. У якасці рэзідэнтаў індустрыяльнага парка могуць выступаць любыя кампаніі незалежна ад краіны паходжання капіталу.

Беларускія і кітайскія эксперты разглядаюць узводзімы індустрыяльны парк "Вялікі камень" як перспектыўны і стратэгічны праект, вузлавую платформу рэалізацыі ініцыятывы "Адзін пояс, адзін шлях" не толькі ў рэгіянальным маштабе, але і ў кантынентальным, які выходзіць за межы Беларусі.