Прамовы і інтэрв’ю
МЗС: Справаздачу місіі БДІПЧ АБСЕ па парламенцкіх выбарах у Беларусі можна разглядаць як аснову для далейшага дыялогу
9 снежня, Мінск /Аліна Грышкевіч - БЕЛТА/. Падагульняючую справаздачу місіі БДІПЧ АБСЕ па назіранні за парламенцкімі выбарамі ў Беларусі 2016 года можна разглядаць як аснову для далейшага дыялогу і канструктыўнага ўзаемадзеяння з Бюро па выбарчай праблематыцы. Аб гэтым гаворыцца ў каментарыі начальніка ўпраўлення інфармацыі - прэс-сакратара МЗС Беларусі Дзмітрыя Мірончыка ў сувязі з апублікаваннем справаздачы місіі БДІПЧ АБСЕ, паведамляе БЕЛТА.
"Падагульняючая справаздача місіі БДІПЧ АБСЕ па назіранні за парламенцкімі выбарамі ў Беларусі, апублікаваная ўчора, з'яўляецца дастаткова сур'ёзным дакументам як па аб'ёме, так і па змесце, - адзначаецца ў каментарыі. - Яго грунтоўны аналіз запатрабуе часу і ўдзелу і спецыялістаў. Такі аналіз будзе праведзены ў бліжэйшы час Цэнтрвыбаркамам з прыцягненнем членаў міжведамаснай экспертнай рабочай групы, якая была створана ў 2015 годзе для аналізу рэкамендацый БДІПЧ па выніках назірання за прэзідэнцкімі выбарамі".
Дзмітрый Мірончык падкрэсліў, што па выніках папярэдняга азнаямлення з дакументам можна зрабіць выснову аб яго ў цэлым збалансаваным характары. "Нараўне з крытычнымі ацэнкамі ён змяшчае і згадванні аб пазітыўных аспектах праведзенай кампаніі і захадах беларускіх улад, накіраваных на прадаўжэнне работы па ўдасканаленні выбарчага працэсу з улікам рэкамендацый БДІПЧ АБСЕ. Думаю, што гэту справаздачу можна разглядаць як аснову для далейшага дыялогу і канструктыўнага ўзаемадзеяння з Бюро па выбарчай праблематыцы", - адзначыў афіцыйны прадстаўнік беларускага МЗС.
версія для друку
зрабіць стартавай
дабавіць у выбранае