Прамовы і інтэрв’ю
Мінскія пагадненні застаюцца адзінай асновай для дасягнення міру ва Украіне
28 студзеня, Брусель /БЕЛТА - ТАСС/. Генсек НАТА Енс Столтэнберг пацвердзіў непарушнасць мінскіх пагадненняў і заклікаў усе бакі да іх выканання. Аб гэтым ён заявіў сёння, прадстаўляючы сваю гадавую справаздачу за 2015 год.
Паводле яго слоў, НАТА назірае як прагрэс, так і праблемы ў выкананні мінскіх пагадненняў.
Столтэнберг таксама заявіў, што Расія і НАТА павінны захоўваць адносіны, заснаваныя на празрыстасці і ўзаемнай павазе. "Расія - гэта наш самы вялікі сусед. Мы павінны захоўваць з ёй адносіны, заснаваныя на ўзаемнай павазе. Няма ніякіх супярэчнасцей паміж узмацненнем НАТА і развіццём адносін з Расіяй. Толькі застаючыся моцнымі, мы можам развіваць супрацоўніцтва з Расіяй", - растлумачыў ён.
Столтэнберг указаў, што НАТА ў 2015 годзе ў тры разы павялічыла свае сілы рэагавання - да 40 тыс. чалавек. Акрамя таго, краіны НАТА ў 2015 годзе перасталі скарачаць свае ваенныя бюджэты і правялі ўвогуле прыкладна 300 вучэнняў.
Паводле слоў Столтэнберга, НАТА вывучае магчымасць правядзення пасяджэння Савета Расія-НАТА, але рашэнне аб тэрмінах пакуль не прынята. Паводле яго слоў, гэта пытанне будзе ўзнята на перагаворах з расійскай дэлегацыяй.
Правядзенне пасяджэнняў Савета Расія-НАТА было прыпынена пасля таго, як 1 красавіка 2014 года альянс спыніў ваеннае супрацоўніцтва з РФ у сувязі з рознагалоссямі, выкліканымі крызісам ва Украіне.
версія для друку
зрабіць стартавай
дабавіць у выбранае