У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

5 Крс 2017

Мэр Кіева: беларуская тэхніка адпавядае еўрапейскім стандартам

Мэр Кіева: беларуская тэхніка адпавядае еўрапейскім стандартам

5 красавіка, Мінск /Кар. БЕЛТА/. Мэр Кіева Віталь Клічко высока ацаніў якасць трактароў BELARUS, паведамляецца на афіцыйным сайце ААТ "Мінскі трактарны завод" па выніках прэзентацыі беларускай камунальнай тэхнікі кіраўніцтву кіеўскай мэрыі, паведамляе БЕЛТА.

Мінскі трактарны завод прадставіў у Кіеве некалькі серый трактароў, прызначаных для гарадской гаспадаркі. З розным навясным абсталяваннем трактары BELARUS прымяняюцца ў работах па прыбіранні і планіроўцы тэрыторый, у будаўніцтве, камунальнай і дарожнай гаспадарцы.

"Мы паспяхова працуем з беларускімі партнёрамі. Набытыя 30 трактароў эфектыўна адпрацавалі ўвесь сезон - без паломак і якіх-небудзь прастояў", - заявіў Віталь Клічко на экспазіцыі Мінскага трактарнага завода.

Кіеўскі граданачальнік вырашыў асабіста выпрабаваць трактар BELARUS-622. "Уражанні вельмі добрыя. Камунальнай гаспадарцы Кіева такая тэхніка вельмі патрэбна. Мы маем намер размяшчаць новыя заказы і абнаўляць камунальны парк горада", - расказаў Віталь Клічко журналістам.

Кіеўскія ўлады будуць звяртаць увагу не толькі на цану, але і на якасць пастаўляемай прадукцыі, падкрэсліў мэр. "Беларуская тэхніка адпавядае еўрапейскім стандартам. Мы маем намер і далей працаваць з беларускімі партнёрамі", - заявіў Віталь Клічко.

Для работы ў гарадской гаспадарцы "МТЗ-Холдынг" распрацавана спецыяльная серыя кампактных трактароў і камунальных машын "ЭкаГорад", на якія ўстанаўліваюцца рухавікі стандарту Еўра-ЗА магутнасцю ад 36 да 63 конскіх сіл.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс