Прамовы і інтэрв’ю
Макей: Беларусь не імкнецца атрымаць палітычныя дывідэнды ад сваёй пазіцыі па Украіне
16 сакавіка, Мінск /Кар. БЕЛТА/. Беларусь не імкнецца атрымаць палітычныя дывідэнды ад сваёй пазіцыі па Украіне. Такое меркаванне выказаў міністр замежных спраў Беларусі Уладзімір Макей у эфіры праграмы "Галоўны эфір" на тэлеканале "Беларусь 1", паведамляе БЕЛТА.
"Сёння палітыцы не хапае шчырасці, шэраг канфліктаў, якія цяпер адбываюцца, выкліканы, напэўна, нейкімі палітычнымі амбіцыямі. Але ў Беларусі няма такіх амбіцый, мы не імкнёмся атрымаць палітычныя дывідэнды з-за таго, што займаем тую ці іншую пазіцыю па сітуацыі ва Украіне. Кіраўніцтва краіны займае шчырую пазіцыю па ўкраінскім і іншых канфліктах, зыходзячы з нацыянальных інтарэсаў. Напэўна, гэта і падкупляе, прымушае нашых партнёраў удзяляць вялікую ўвагу Беларусі", - адзначыў ён.
Уладзімір Макей падкрэсліў, што для Беларусі і беларусаў вайна і мір - не пустыя словы. "Мы ўдосталь нацярпеліся ў мінулым і разумеем, што такое вайна. Мы ніколі не хацелі, каб вайна прыйшла ў наш дом і ў дамы нашых суседзяў. Менавіта таму Беларусь рабіла і будзе рабіць усё для прадухілення ўкраінскага і любых іншых канфліктаў", - падкрэсліў міністр замежных спраў.
версія для друку
зрабіць стартавай
дабавіць у выбранае