Прамовы і інтэрв’ю
Лукашэнка: Заходнія палітыкі павінны паглядзець на сваю "дэмакратыю", перш чым крытыкаваць Беларусь
6 красавіка, Мінск /Кар. БЕЛТА/. Заходнія палітыкі павінны паглядзець на сваю "дэмакратыю", перш чым крытыкаваць Беларусь. Аб гэтым Прэзідэнт Беларусі Аляксандр Лукашэнка заявіў у інтэрв'ю міждзяржаўнай тэлерадыёкампаніі "Мір", паведамляе карэспандэнт БЕЛТА.
"Сёння мне прыйшло пісьмо ад групы кангрэсменаў Злучаных Штатаў, у тым ліку там і вядомы персанаж Маккейн, які дэмакратыю ў Беларусі шукае, што мы тут кагосьці затрымалі і гэтак далей і да таго падобнае, - расказаў Аляксандр Лукашэнка. - Я яму пішу адказ: няхай яны паглядзяць на дэмакратыю ў заходніх краінах - зусім нядаўна і бамбілі, і труцілі, і слёзатачывы газ, і вадамёты, і дубіны і ў Бруселі, і ў Лондане, і ў Парыжы, і ў Германіі".
"Куды ўжо далей? Апора дэмакратыі. Паглядзіце, што адбывалася пасля выбараў, у час выбараў Дональда Трампа ў Злучаных Штатах Амерыкі. Таму я яму падказваю, што трэба спачатку туды паглядзець, на гэту "дэмакратыю". Прынамсі, мы нікога слёзатачывым газам не труцілі, - звярнуў увагу Прэзідэнт. - Зразумелая іх мэта".-
версія для друку
зрабіць стартавай
дабавіць у выбранае