Прамовы і інтэрв’ю

Лукашэнка заявіў аб росце даверу беларусаў да мірнага атама

Фота з архiва

14 лістапада, Мінск /Кар. БЕЛТА/. Стаўленне грамадзян Беларусі да мірнага атама пасля будаўніцтва і пяці гадоў эксплуатацыі АЭС змянілася ў лепшы бок. Аб гэтым кіраўнік дзяржавы Аляксандр Лукашэнка заявіў на нарадзе аб выніках работы БелАЭС, павелічэнні электраспажывання і прапановах аб будаўніцтве новых атамных магутнасцей, перадае карэспандэнт БЕЛТА.

"Змянілася стаўленне беларусаў да мірнага атама. Паводле даных сацыёлагаў, у пачатку будаўніцтва БелАЭС яго падтрымлівала 60 працэнтаў насельніцтва, а сёння, з улікам работы і іншых станоўчых фактараў, - ужо больш за 80 працэнтаў", - заявіў кіраўнік дзяржавы.

Ён канстатаваў, што новыя магчымасці для эканомікі з атамнай энергетыкай бачаць не толькі ў Беларусі. Гэта ўжо глабальны трэнд. Сёння ў свеце эксплуатуецца 416 ядзерных рэактараў, яшчэ 63 знаходзяцца на этапе будаўніцтва. "Усе будуюць, хто можа", - заўважыў Прэзідэнт.

Паводле прагнозаў МАГАТЭ, агульная магутнасць АЭС у свеце ў бліжэйшыя 25 гадоў павялічыцца больш як у два разы, а доля атамнай генерацыі ў сусветнай вытворчасці электраэнергіі вырасце да 12 працэнтаў.

"Але яшчэ ўчора многія заходнія палітыкі спрабавалі зрабіць стаўку выключна на аднаўляльную энергетыку. Сёння там ужо расказваюць аб перавагах будаўніцтва АЭС, нават тэрмін новы з'явіўся - "рэнесанс атамнай індустрыі". Гэта датычыцца і суседніх краін - Польшчы і Літвы, якія заўзята процідзейнічалі будаўніцтву нашай атамнай станцыі, - заўважыў беларускі лідар. - Усё гэта пацвярджае правільнасць выбранага намі шляху".

версія для друку

зрабіць стартавай

дабавіць у выбранае