Прамовы і інтэрв’ю

Лукашэнка заявіў аб гатоўнасці адказваць на спробы падпарадкаваць Мінск чужой волі

28 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка на ІІІ Мінскай міжнароднай канферэнцыі па еўразійскай бяспецы заявіў аб гатоўнасці адказваць на спробы падпарадкаваць Мінск чужой волі, перадае карэспандэнт БЕЛТА.

Кіраўнік дзяржавы падкрэсліў, што бяспеку нельга пабудаваць на пагрозах і ўльтыматумах. "Гэта проста тупік. Без даверу і супрацоўніцтва, без справядлівасці любая сістэма бяспекі застанецца вельмі зыбкай канструкцыяй", - канстатаваў ён.

Для Беларусі, паводле слоў Прэзідэнта, тэма бяспекі асабліва важная, паколькі краіна з'яўляецца не проста наглядальнікам, а непасрэднай удзельніцай геапалітычных працэсаў у самым цэнтры Еўропы.

"І мы не наіўныя. Разумеем, што спробы стварыць вялікую ваенную перавагу на нашых граніцах, падарваць нашу эканоміку і пастаяннае правакаванне сацыяльных узрушэнняў - гэта спосабы падпарадкаваць Мінск чужой волі. Будзем, як зможам, адказваць. У нас ёсць свае магчымасці. У нас ёсць апора ў асобе брацкай Расіі. У нас ёсць падтрымка краін Глабальнай большасці", - заявіў беларускі лідар.

Аляксандр Лукашэнка звярнуў увагу, што Беларусь не шукае канфрантацыі, а яе неаднаразовыя заклікі да аднаўлення дыялогу - гэта імкненне вярнуць разважлівасць у міжнародныя адносіны, у якіх яе спрабуюць падмяніць сілай.

"Выратаваць Еўразію можа толькі адмова ад канфрантацыі, - упэўнены кіраўнік дзяржавы. - Каштоўнасць нашага кантынента заключаецца ў яго ўзаемазвязанасці. Таму яго нельга бясконца і беспакарана драбніць на ваюючыя лагеры". Ідэя мірнага сумеснага развіцця, паводле яго слоў, з'яўляецца тым самым стратэгічным арыенцірам, той мэтай, да якіх усе абавязаны імкнуцца. Менавіта на гэтых прынцыпах будуюцца такія магутныя структуры, як ШАС, БРІКС, ЕАЭС, СНД.

версія для друку

зрабіць стартавай

дабавіць у выбранае