Прамовы і інтэрв’ю

Лукашэнка - вучоным: давайце без амбіцый i пантоў пачынаць працаваць, без навукі не можа быць краіны

21 лістапада, Мінск /Кар. БЕЛТА/. Без навукі не можа быць краіны. Аб гэтым Прэзідэнт Беларусі Аляксандр Лукашэнка заявіў на нарадзе па пытаннях развіцця навуковай сферы і дзейнасці Нацыянальнай акадэміі навук Беларусі, перадае карэспандэнт БЕЛТА.

"Вы ж хочаце жыць у суверэннай, незалежнай краіне. А без гэтага краіны быць не можа! Без навукі не можа быць краіны. І сёння такі момант, калі навука архіважная. Вы да гэтага гатовы? Калі гатовы, давайце без амбіцый і пантоў пачынаць працаваць! - сказаў кіраўнік дзяржавы. - Грамадства прыйшло да такога стану, што без навукі далей развіцця не будзе. Мы адстанем, спынімся, упадзём, а тыя, хто ідзе за намі, нас затопчуць".

Аляксандр Лукашэнка параіў старшыні Прэзідыума НАН Уладзіміру Караніку вызначыцца з кадравай палітыкай для выканання пастаўленых задач: "Вызначцеся, з кім вы там будзеце працаваць. Імгненна будзе спагнанне, і прытым вельмі жорсткае. Адкрыта і сумленна".

Кіраўнік дзяржавы падкрэсліў, што цяпер важна не толькі стратэгія, але і тактыка. "Час канкрэтных спраў. Таму што час выбраў нас. І за нас ніхто гэта не зробіць. Мы не можам гэту "спадчыну" пакінуць нашым дзецям", - падкрэсліў беларускі лідар.

У сувязі з гэтым Прэзідэнт выказаўся пра ролю вучоных (перш за ўсё выкладчыкаў) у выхаванні моладзі: "Моладзь трэба выхоўваць працай. І многае залежыць ад вас, вучоных, якія займаюцца адукацыяй. Гэта будучая эліта. І ад рэктараў шмат залежыць. Падумайце над тымі пытаннямі, якія я ўзняў і аб тым, што я сказаў. І давайце пагаворым у гэтым ключы".

версія для друку

зрабіць стартавай

дабавіць у выбранае