Прамовы і інтэрв’ю

Лукашэнка: у Беларусі ёсць усё, каб спартсмены заваёўвалі алімпійскія медалі

26 лютага, Мінск /Кар. БЕЛТА/. У Беларусі ёсць усё, каб спартсмены заваёўвалі алімпійскія медалі, але няма адказнасці за расходаванне выдзеленых сродкаў. Аб гэтым заявіў 26 лютага журналістам Прэзідэнт Беларусі Аляксандр Лукашэнка, перадае карэспандэнт БЕЛТА.

"Чаго ў нас не хапае для трэніровак і падрыхтоўкі, каб заваёўваць медалі? Усё ёсць, выдатная база: зімовая, школы", - адзначыў Аляксандр Лукашэнка.

Прэзідэнт нагадаў, што ў краіне нават наладзілі вытворчасць лыж. Няхай яны і не прэміум-класа, для спаборніцтваў купляюцца найлепшыя мадэлі, але для трэніровак беларуская экіпіроўка цалкам падыходзіць, адзначыў ён. Акрамя таго, ёсць усё неабходнае абсталяванне, каб ствараць заснежаныя трасы. У Беларусі вырабляюць і ўласныя снежныя цягачы - ратракі, якія выкарыстоўваюцца для падрыхтоўкі гарналыжных схілаў і лыжных трас.

"Інакш кажучы, у нас ёсць усё. І спартсмены талковыя, могуць працаваць з дзеткамі, ёсць і сівавалосыя трэнеры. Але няма адказнасці за тыя грошы, якія ўкладае дзяржава. Крыху, выбачайце, сталі бессаромнымі спартсмены, і трэнеры. Ніводны ў Нарвегіі або нават у Расіі не застаўся б пасля гэтага (няўдалага выступлення на Алімпіядзе. - Заўвага БЕЛТА). Нават у багатай Нарвегіі, дзе вялікая колькасць грошай ад нафты. Тое ж самае і ў Расіі. Пра Амерыку і гаварыць няма чаго: праваліўся на першых спаборніцтвах - выкінулі б трэнера. А на наступных спаборніцтвах не паказаў рэзультат - дні спартсмена былі б злічаны, - падкрэсліў кіраўнік дзяржавы. - А ў нас можна перавальваючыся. А чаму? А таму што ніхто не плаціць за гэта так, як плацяць там".

версія для друку

зрабіць стартавай

дабавіць у выбранае