Прамовы і інтэрв’ю

12 мая, Мінск /Уладзімір Мацвееў - БЕЛТА/. Сферу спорту ў Беларусі чакае сур'ёзнае перафармаціраванне. Аб гэтым Прэзідэнт Беларусі Аляксандр Лукашэнка заявіў сёння, узгадняючы назначэнне Сяргея Рэпкіна рэктарам Беларускага дзяржаўнага ўніверсітэта фізічнай культуры, перадае карэспандэнт БЕЛТА.

Кіраўнік дзяржавы адзначыў станоўчую тэндэнцыю, што ў краіне ўсё больш людзей пачынаюць займацца масавым спортам. "Але, на жаль, спорту высокіх дасягненняў менш стала. Вось у чым уся праблема, - сказаў ён. - Сёння спартыўныя спаборніцтвы на чэмпіянатах свету, Еўропы - гэта не гульня. Гэта - бітва. Іншага не дадзена".

Аляксандр Лукашэнка ў сувязі з гэтым выказаў долю крытыкі наконт якасці і вынікаў гульні беларускіх хакеістаў.

"Вы павінны ведаць, што мы пачынаем сур'ёзнае перафармаціраванне ўсёй сферы спорту. Мы не можам далей цярпець гэта", - падкрэсліў беларускі лідар.

Прэзідэнт таксама адзначыў важнасць правільнага падбору кадраў у спартыўнай сферы, якія жадаюць працаваць і дабівацца вынікаў. Кіраўнік дзяржавы лічыць ненармальнай сітуацыю, калі ў некаторых спартыўных федэрацыях пры адсутнасці дасягненняў функцыянеры атрымліваюць высокія зарплаты.

"Стаўку трэба рабіць на сваіх трэнераў, на сваіх спартсменаў, рыхтаваць іх трэба на месцах. А гэта ўжо ваша будучая работа", - заявіў Аляксандр Лукашэнка.

Сяргей Рэпкін, дакладваючы аб сваім бачанні праблемных пытанняў у развіцці ВНУ, адзначыў, што навуковая база, якая засталася яшчэ з часоў Савецкага Саюза, у многім вычарпала сябе. Таму ўніверсітэт мае патрэбу ў істотным абнаўленні навуковых кадраў.

"Згодны. Трэба пакінуць тыя элементы, якія нам патрэбны. Усё астатняе павінна быць новае. І вы правільна сказалі: галоўнае пытанне - гэта кадры. Вы павінны прывесці туды людзей, якія проста хочуць працаваць. Любую сістэму можна ў свеце знайсці і прыстасаваць. Але для гэтага трэба жаданне працаваць", - сказаў Прэзідэнт.