4 мая, Мінск /Кар. БЕЛТА/. Старшыня КНР Сі Цзіньпін заўсёды будзе для Беларусі вялікім сябрам. Аб гэтым заявіў сёння Прэзідэнт Беларусі Аляксандр Лукашэнка, адказваючы на пытанні прадстаўнікоў цэнтральных і рэгіянальных СМІ Кітая, перадае карэспандэнт БЕЛТА.
Сі Цзіньпін "заўсёды будзе для нас вялікім сябрам, і прыязджаць у Беларусь ён будзе без віз, калі таго пажадае", падкрэсліў Аляксандр Лукашэнка.
Прэзідэнт расказаў, што з кітайскім лідарам яны па-сяброўску абмяркоўваюць любыя пытанні. "Мы не ўтойваем адзін ад аднаго нічога. Гледзячы адзін аднаму ў вочы, па-сяброўску абмяркоўваем любыя праблемы: не толькі нашых адносін, але і міжнароднага супрацоўніцтва", - адзначыў кіраўнік дзяржавы.
Сяброўскія адносіны ўстанавіліся і паміж сем'ямі лідараў дзвюх краін.